Bobur Yo'ldoshev: "Kelasi yilgi mavsumda natijamizni yanada yaxshilashga urinamiz"

Qura natijalariga ko'ra, mamlakatimizning amaldagi chempioni – Toshkentning “Lokomotiv” klubi musobaqadaning “A” guruhidan o'rin oldi va "Al Ahli" (BAA), "Al Tavun" (S. Arabistoni) hamda Pley-off 3 g'olibiga qarshi bahs olib borishi oydinlashdi.

“Temiryo'lchilar” jamoasi azosi Bobur Yo'ldoshev klub matbuot xizmatiga qura borasidagi fikrlarini bildirib o'tdi.

- Osiyo CHempionlar Ligasida kuchsiz jamoalar bo'lmaydi. SHu sababli biz o'rin olgan guruhdagi raqiblarni oson demagan bo'lardim. Ammo shuni takidlay olamanki, “Lokomotiv” 2016 yilgi CHempionlar Ligasida juda katta tajriba to'pladi va endilikda bu yil o'rgangan jihatlarimizni kelasi mavsumda amalda yanada yaxshiroq qo'llashga urinamiz.

Bu yil ko'rdik, har qanday jamoa bilan o'ynasa va g'alaba qozonsa bo'lar ekan! Demak, kelasi yilgi mavsumda natijamizni yanada yaxshilashga urinamiz. Menimcha, barchamiz bir maqsad yo'lida ahil jamoa bo'lgan holda buni albatta uddalay olamiz, - deydi mahoratli himoyachi.