Bellingem uchun 5 klub. U qaysi birini tanlaydi?

O'tgan yozda 19 yoshli yarim himoyachiga qiziqish kuchaygandi. Biroq dortmundliklar yosh angliyalikni o'z ro'yxatida saqlab qolishdi, ammo keyingi yil buni takrorlashi dargumon. 

Futbolchiga 5 nafar jiddiy davogar bor. Keling, ularning har birini batafsil ko'rib chiqaylik.

"Real Madrid"

"Real Madrid" bu ro'yxatda Angliya Premer-ligasi azosi bo'lmagan yagona klubdir. Aftidan, "qaymoqranglilar" o'yinchi uchun Premer-ligadagi raqiblarga qarshi kurashda g'alaba qozonadi. Malumki, 2019 yildan beri "Real" futbolchi bilan bir necha bor aloqaga chiqqan. Hatto Madridning ko'rsatmasi bo'yicha yarim himoyachi "Borussiya" bilan shartnomani uzaytirmayotgani haqida ham malumotlar bor. Hamkorlikdan tomonlar o'zaro manfaatdor. 

"Real" Bellingemni Luka Modrich yoki Toni Kroosga o'rinbosar sifatida ko'rmoqda. 

Kroos allaqachon faoliyatini yakunlash haqida o'ylayapti, 37 yoshli Modrich esa asta-sekin bunga yaqinlashmoqda. Yarim himoyachilar triosi – CHuameni, Kamavinga va Bellingem juda istiqbolli ko'rinadi. 

"Liverpul"

Hech kimga sir emaski, "Liverpul" markaziy yarim himoya poziciyasi uchun futbolchi qidirmoqda. Bu haqdagi malumotni "qizillar" bosh murabbiyi Yurgen Klopp ham tasdiqladi. Mersisaydlar tarkibida Tiago, Jordan Henderson va Jeyms Milner bor. Ammo ular ancha yoshi katta futbolchilar hisoblanishadi.

Aleks Oksleyd-CHemberlen va Nabi Keyta ham bor. Lekin ularga barqarorlik etishmaydi. 

OAV xabarlariga ko'ra, Bellingem – "qizillar"ning yozgi transfer maqsadi. Futbolchi uchun bu yaxshi variant bo'lardi. Yosh yarim himoyachi tezda mersisaydlarning asosiy o'yinchisiga aylanishi ehtimoli yuqori. Ammo masalaning nozik jihati bor. Yani, "qizillar" Bellingem uchun kamida 100 million evro to'lay oladimikan?

"Manchester Yunayted"

"Manchester Yunayted" butun yozni "Barselona" yarim himoyachisi Frenki de Yongni qo'lga kiritish uchun o'tkazdi. Lekin transfer amalga oshmadi. Bellingem "Manchester Yunayted" yangi maqsadiga aylandi.

"Manchester Yunayted"da markaziy yarim himoyachilardan Fred va Donni van de Bek bor. Biroq braziliyalik Erik ten Hag qo'l ostida rotaciya o'yinchisiga aylandi, niderlandiyalik esa zaxira o'rindig'ida azoblanishda davom etmoqda. "Yunayted" "Borussiya"ga Jud uchun kerakli miqdorni to'lashiga shubha yo'q, ammo futbolchining o'ziga bu transfer kerakmi? 

"Manchester Siti"

"Manchester Siti" transferlar uchun katta mablag' to'lashi hech kimga sir emas. Bellingem ham Angliya chempioni qiziqishi doirasida bo'lib turibdi. Mish-mishlarga ko'ra, Erling Holand sobiq jamoadoshini Manchesterga ko'chib o'tishga undamoqda. Futbolchilar "Borussiya"da birga o'ynagan va doimiy aloqada bo'lib kelishadi.

Bellingemning "Manchester Siti"da bazi istiqbollari bor. Markaziy yarim himoyachilardan "shaharliklar" tarkibida faqat shartnoma muddati tugaydigan Ilkay Gyundogan bor. Bellingem tez orada Gyundoganni almashtirishi mumkin. Uning uchun bu transfer yaxshi variant bo'lardi.

"CHelsi"

Bir qarashda "CHelsi"da maydon markazida o'ynashga qodir futbolchilar etarli. Xususan, Mateo Kovachich, Ruben Loftus-CHik va Konnor Gallaxer bor. Aytaylik, N'Golo Kante va Jorjino ham bor, garchi ular ko'proq himoyaviy o'yinchilar bo'lsa-da. Ammo "CHelsi" har doim porlayotgan o'yinchilarni sotib olishga harakat qilgan. 

"CHelsi"da katta transfer rejalari bor. Londonliklar kelasi yozda Bellingem va Deklan Raysni sotib olishmoqchi. Hozirda London klubi Bellingxem uchun eng yaxshi variant emas. Lekin mavsum oxirigacha ko'p narsa o'zgarishi mumkin.

Samandarbek tayyorladi