Artur Gevorkyan: "O'zbekiston kubogini ham qo'lga kiritsam, sochimni yana qisqartiraman"

Ushbu bahsdan so'ng "temiryo'lchilar" klubi futbolchisi Artur Gevorkyan o'yin haqida o'z fikrlarini bildirdi.

"Juda ham qiyin uchrashuvni o'tkazdik. Maydon holatini yomon, deb  o'ylagandim. Aksincha, maydon ajoyib holatda ekan. CHiroyli futbol namoyish etishimiz uchun bu halaqit qilmadi. Uchrashuv teng kurashlar ostida o'tdi, deb o'ylayman. Lekin omad ko'proq bizga kulib boqdi. Yana ikki kundan so'ng "qaldirg'ochlar" bilan kubok bahsi javob uchrashuvida to'qnash kelamiz. Albatta, ushbu bahs javob o'yini oldidan tayyorgarlik vazifasini o'tab berdi. Afsuski ushbu o'yinda Salim bizga etishmadi.  

Bir insonga vada berganim uchun soch turmagimni o'zgartirdim. Sochimni yanada kaltalatishim ham mumkin edi, ammo ob-havo sovuq bo'lgani uchun bunday qila olmadim. SHundoq ham sovuq bo'lmoqda. Endi bularning bari kayfiyatni ko'tarish uchun o'ylab topilgan. Har safar chempion bo'lmaysiz-ku! Agarda O'zbekiston kubogini ham qo'lga kiritsak, sochimni yana qisqartiraman.  Bu menga qiyinchilik tug'dirmaydi", - deydi "Lokomotiv" klubi futbolchisi Artur Gevorkyan.

Jahongir Sotvoldiev