Arteta – APLda yanvar oyining eng yaxshi murabbiyi

Yangi yilning birinchi oyida Arteta boshqaruvida "Arsenal" uchta o'yinda 7 ochko to'pladi. "To'pchilar" 2003/04 yilgi mavsumdan keyin ilk bor chempionlik uchun kurashayotgan joriy mavsumda ushbu uch uchrashuv titul uchun davogarlarga qarshi kechdi.

"To'pchilar"ning mag'lubiyatsiz seriyasi 13 ta o'yinga etdi. Bu so'nggi 5 yillikdagi eng yaxshi natija.

Ispaniyalik mutaxassis ushbu sovrinni Pep Gvardioladan keyin qatorasiga ikki oy o'ziniki qilgan birinchi murabbiyga aylanmoqda. Bu joriy mavsumdagi uchinchi va umumiy hisobdagi beshinchi sovrin bo'ldi. Bir mavsumda eng ko'p eng yaxshi murabbiy bo'lib rekord qo'yish esa Yurgen Kloppga nasib etgan. Unda bitta mavsumda qo'lga kiritilgan 5 ta sovrin mavjud. Arteta boshqaruvidagi jamoa shunday o'ynashda davom etsa, ushbu natija takrorlanishi yoki yaxshilanishi ham mumkin.

40 yoshli mutaxassis eng yaxshi murabbiy bo'lish yo'lida Stiv Kuper, Roberto De Dzerbi, Unai Emeri va Tomas Frankni ortda qoldirdi. Natijalar muxlislar va ekspertlarning ovoz berish natijalari qo'shilgan holda hisoblandi.