Andrey Miklyaev: "Lokomotiv" mavsumni ajoyib o'tkazdi"

- O'yin asabiy kechdi. G'alaba juda muhim edi va buni qiymatini sezib o'ynadik. "Lokomotiv" eng yaxshi o'yinni ko'rsatmagandir, ammo o'zimiz uchun kerakli natijaga erishdik. Uchrashuvda har ikkala jamoa futbolchilari ko'plab xatolarga yo'l qo'yishdi. "Lokomotiv" ajoyib mavsumni o'tkazdi. Buning uchun klubdagi barcha xodimlar va jamoadagi barchani tabriklayman. Biz katta ko'lamdagi ishlarni amalga oshirdik. Bu bilan to'xtab qolish yo'q. Keyingi mavsum uchun ham rejalarni tuzamiz va muvaffaqiyatli odimni davom ettirishga harakat qilamiz, - dedi Andrey Miklyaev.

"Biz chiroyli va ajoyib mavsumni o'tkazdik. Bugungi o'yinda yaxshi o'yin ko'rsatmagan bo'lsakda, asosiysi muhim g'alabaga erishdik. Tarixda o'yin emas, balki natija qoladi. Biz mavsum oldidan o'z oldimizga qo'yilgan vazifalarni deyarli hammasini uddaladik. Bundan albatta xursandmiz. "Nasaf"ga qarshi ushbu mavsumdagi barcha o'yinlarda gol urdim? Buni siri yo'q. SHunchaki omadim keldi, deb o'ylayman", - dedi uchrashuvning eng yaxshi futbolchisi bo'lgan Temurxo'ja Abduxoliqov.