Anchelotti: "Agar bizda VAR tizimi bo'lsa, nega undan to'liq foydalanishmaydi?"

Bahsning 25-daqiqasida "Napoli" himoyachisi to'pni posbonga uzatayotib, xatoga yo'l qo'ydi. Ronaldu to'pni egallab, darvozabonni aldab o'tishga urindi va Meret tomonidan yiqitildi.

"Bu bahsli vaziyat edi. Agar bizda VAR tizimi bo'lsa, nega uni to'liq ishlatishmaydi? Vaziyat toza qizilga arzimasdi, chunki Krishtianu to'pga eta olmagan bo'lishi mumkin. U burchak bayroqchasi tomon ketayotgandi. CHetlatish o'yin taqdiriga jiddiy tasir ko'rsatdi.

"Yuventus" bu mavsum yaqinlashishimizga yo'l qo'ymadi. Ammo bu o'yin kelajakda ularga qarshi ishonchli harakat qilishga yordam beradi.

Mavsumni yaxshi o'tkazyapmiz, taktikani o'zgartirib, yoshroq futbolchilarni jalb qilyapmiz. Biz o'z sifatlarimizga ishonishimiz kerak" - deydi Italiyalik mutaxassis.