Aleksandr Xomyakov: "Mahorat etmasa, ishtiyoq va xohish asosiy rolga chiqadi. G'alaba qozonish hech qachon jonga tegmaydi"

"Ertaga qiyin final kutib turibdi. Principiallik yuqoriligini bilamiz. Mashg'ulotlarimizda katta o'zgarish bo'lmadi. Ertaga o'z imkoniyatlarimizni yaxshi jihatdan namoyish etishga harakat qilamiz. Biz viloyat va muxlislar oldida javobgarmiz va bu jihat biroz hayajonlantirmoqda. Ertangi o'yinni kutamiz", – dedi Aleksandr Xomyakov finaldan oldin.

"Ertangi uchrashuvda yaxshi natija qayd etish uchun bor kuchimiz bilan harakat qilamiz. Qo'limizdan kelgancha harakat qilamiz. "Paxtakor" finallarda ko'p marotaba ishtirok etgan, "Buxoro" esa ilk marotaba finalda qatnashmoqda. Raqibni o'rganib chiqdik va qolganini maydonga ko'ramiz", – dedi Aziz Amonov.

- "Buxoro" finalga qadar har bir uchrashuvda autsayder edi. Barcha jamoalar "Buxoro"ga qarshi o'ynashni istayotgan edi, ammo jamoa yakunda finalga qadar etib keldi. Menimcha, qog'ozda "Buxoro" ertaga ham autsayder va "Paxtakor" favorit. "Buxoro" o'yindan oldin autsayder jamoa sifatida qaralashi ustunlikmi beradimi yoki aksincha?

Albatta, raqib - favorit. Biroq final bir o'yindan iborat. Bunga ko'p misollar keltirishimiz mumkin. Biz g'alaba haqida o'ylamoqdamiz va ertaga yaxshi natija qayd etish uchun borimizni beramiz.

- Aziz Amonovga savol. Yaqinda Superliga klubining bir murabbiyi "Buxoro"ning motivaciyasi ko'proq bo'lgani uchun keyingi bosqichga o'tdi va o'sha uchrashuvda bir futbolchida qo'shimcha ishtiyoq bor edi deb aytib o'tdi. Ertangi finaldan oldin sizda ham shunday qo'shimcha ishtiyoq bo'ladimi?

- Men "Bunyodkor"ga qarshi hech nimani isbotlamoqchi emas edim. Biz har doim jamoa bo'lib maydonga tushamiz. Jamoada maqsad bitta - keyingi bosqichga o'tish. U kimki, men unga bir nimani isbotlayman. O'yin taqdiri bir futbolchiga bog'liq bo'lgan emas, biz jamoa bo'lib g'alaba qozonib kelyapmiz. "Paxtakor"ga qarshi ham bir jamoa bo'lib tushamiz, qolgani esa yaratgandan.

- Aziz Amonovga savol. Superligada "Buxoro" "Paxtakor"ga ikki o'yinda ham yirik hisobda mag'lub bo'ldi. Finalga qanday tayyorgarlik ko'rildi va ruhiy jihatdan futbolchilar finalga tayyormi?

- Murabbiyimiz bu haqida takidlab o'tdi. To'g'ri ligadagi o'yinda oddiy vaziyatlarda xatoga yo'l qo'yib gol o'tkazib yubordik, ammo mashg'ulotlarda bu jihat ustida ishladik. O'ylaymanki, finalda kamroq xato qilamiz va yaxshi natija qayd etishga erishamiz.

- Ikki jamoalarning so'nggi to'qnashuvida "Buxoro" raqibga ochiq o'yin taklif qilgan edi va shu sababli yirik hisobda mag'lub bo'ldi. Ertaga "Buxoro" biroz himoyaviyroq uslub tanlaydimi?

- Sabablardan biri deb o'ylamayman. Biz hujumkor jamoaga qarshi agressivroq o'ynashni istagan edik. Asosiy sabab biz o'z vaziyatlarimizdan foydalana olmaganimizda, menimcha. Biz raqib darvozasi tomon to'pni etkaza olgandik, lekin yana bir bor takrorlayman. Raqib darajasi ancha yuqori va jamoa tarkibi terma jamoa futbolchilaridan tashkil topgan. Biz o'z vaziyatlarimizni ko'kka sovurdik, raqibga esa foydalandi. Ko'ramiz, ertangi o'yin qanday bo'lar ekan. Biz "syurpriz" tayyorlashga harakat qilamiz.

- O'tgan yili "Andijon" futbolchilarining ko'pchiligi uchun faoliyatidagi birinchi final edi. "Buxoro" futbolchilari uchun ham shunday. Ushbu jihatni hisobga olsak, ertangi uchrashuvda "Buxoro" uchun ko'proq ruhiy tayyorgarlik muhimroqmi?

- Ha, ertaga ko'proq hissiyotlar ishlaydi. To'g'ri, raqib bizdan kuchliroq. Bu haqda statistika va musobaqa jadvali aytmoqda. Shuning uchun biz ko'proq psixologik tayyorgarlikka urg'u berishimiz kerak. Biz final ekanligini katta etibor qaratyapmiz. Sababi final bir o'yindan iborat. O'tgan yili ham raqibimiz ancha jiddiy edi. Mahorat etmasa, ishtiyoq va xohish asosiy rolga chiqadi.

- Sergeev Superliganing eng yaxshi o'yinchilaridan biri. Uni ertaga qanday qo'riqlamoqchisizlar? Balki Igorga personal himoya qo'llash kerakdir?

- Balki (kuladi). Biz tayyorgarlik ko'ryapmiz va imkon qadar raqibning kuchli jihatlarini bartaraf etish. Biz esa ko'proq raqibning kuchsiz nuqtalariga zarba berishga harakat qilamiz. U juda yaxshi formada, ammo undan tashqari boshqa futbolchilar ham ko'p. Raqibning ustunliklarini bilamiz va ularni bartaraf etishga intilamiz.

- O'tgan yili finaldan so'ng O'zbekistonda bekorga 15 yildan buyon ishlab kelmayotganini Kubok yutish orqali isbotladim degandingiz. Bu yil ham jamoangiz finalga qadar etib keldi. Balki bu yil ham kimdirga yana bir nimalarni isbotlagandirsiz?

- Har bir murabbiy sovrin yutishni xohlaydi. Sovrinlar orqali o'z ismini tarixga yozadi. G'alaba qozonish hech qachon jonga tegmaydi. Ishtiyoq har doim bo'lishi kerak. Futbolchilarga ham shu haqda aytdim. G'alaba qozonish uchun esa biroz ko'proq mehnat qilish kerak.

"Buxoro" – "Paxtakor" to'qnashuvi ertaga "Bobur Arena"da 18:30 da boshlanadi.