Akmal Rustamov: "Ular ayni vaqtda jarohatdan davolanishmoqda"

Hammaga Assalomu alaykum! Qatorasiga uchta mag'lubiyatdan so'ng bugun uyda o'ynadik. Yigitlar bugun mag'lub bo'lishga haqqimiz yo'qligini yaxshi tushunib turgandi. Yigitlar bugun borlarini berishdi va buning uchun ularga rahmat aytaman. Muxlislarga rahmat. Aytilgan vazifani uddaladik!

Bugungi uchrashuvning boshlang'ich tarkibidan atigi 2 nafar naminal himoyachi maydonga tushdi. Keyingi uchrashuvlarda ushbu muammoni qanday echasiz?

- Haqiqatdan ham hozirda Kumburovich va Vohobovda jarohat bor. Ular ayni vaqtda jarohatdan davolanishmoqda. Ularni tezroq maydonga tezroq qaytishlarini tilab qolaman. Bizda bir nechta yaxshi yosh futbolchilar bor. Ularni shunday o'yinlarda sinab ko'rishimiz mumkin. Yoshlarga ishonch berishimiz kerak. Ular shunday bahslarda o'zlarini ko'rsata olishsa, keyingi o'yinlarda ham imkon beramiz.  Ularga bu katta imkoniyat. Ikkita markaziy himoyachi bo'lmagani sababli bugun Asror G'ofurov markaziy himoyada harakat qildi. Menimcha, u bugun yaxshi harakat qildi va o'ziga berilgan vazifani ajoyib tarzda uddaladi. 

"Mashal" jamoasiga ham bugungi uchrashuvga rahmat aytaman. Ularga keyingi o'rinlarda omad tilayman. Futbolda kimdir g'alaba qozonadi, kimdir mag'lub bo'ladi. Hayot shunday bo'lar ekan.

Avvallari Bozorov zaxiradan maydonga tushsa, hujumga yaqin joyda harakat qilardi. Hozir esa himoyada o'ynamoqda...

- Bozorov istalgan chiziqda harakat qila oladi, u barcha chiziqlarni "yopib bera oladi". U shunday futbolchi. Qaerda "bo'shliq" bo'lsa, uni qo'yib o'ynatsak bo'ladi.