Янги келишувга кўра Роналдунинг “Ал Насср“даги маоши маълум

Манбага кўра, Роналду йилига 206 миллион евро маошидан ташқари 28,5 миллион евро бонус олади, агар форвард шартномасининг иккинчи йилида клубда қолса, бу миқдор 44 миллион еврога ошади.

Бундан ташқари, энди Роналду 38 миллион еврога баҳоланган “Ал-Наср” акцияларининг 15 фоизига эгалик қилади. У Саудия чемпионатининг “Олтин бутса”сини қўлга киритса, 4,6 миллион евро, “Ал-Наср” билан соврин ютса, 9,2 миллион евро бонус олади. Роналду шунингдек, Саудия компаниялари билан ҳомийлик шартномаларини имзолайди, бу эса унга 70 миллион еврогача даромад келтириши мумкин.

40 ёшли футболчи 16 нафар ходим билан таъминланади: уч ҳайдовчи, тўрт нафар хизматчи, икки ошпаз, уч боғбон ва тўрт нафар қўриқчи.

Шу тариқа, 40 ёшли футболчи янги икки йиллик келишув бўйича “Ал Насср“дан 500 миллион евродан кўпроқ даромад қилиши мумкин.