Уилшир АПЛнинг топ-клублари қизиқишига қарамай, Райсга "Вест Хэм"дан кетмасликни маслаҳат берди

"Нега у "Вест Хэм"дан ҳозир кетиши керак? Буни бир неча бор айтдим, буни Декланнинг ўзи билан бўлган суҳбатда ҳам айтдим. У жамоа сардори, бош ўйинчи, ҳар бир ўйинда майдонга тушмоқда. "Вест Хэм" ҳам тўғри йўналишда ривожланмоқда.

У титул ютишни ва Чемпионлар Лигасида ўйнашни хоҳлайдиган ва кетишни истайдиган пайт бўлар. Балки "Вест Хэм"нинг ўзи Чемпионлар Лигасида бўлар, аммо чемпионлик учун курашиши қийин масала. Нима бўлганда ҳам, Райс ҳозирда ажойиб ҳолатда", - Уилшир.

Райс 2021/22 йилги мавсум "Вест Хэм" таркибида 9та ўйинда майдонга тушиб, 2та гол ва 2та ассист қайд этди. Transfermarkt 22 ёшли футболчини 70 млн еврога баҳоламоқда.