U-21 Биринчилиги. "Насаф" ўз майдонида 18 ёшли футболчиларга мағлуб бўлди, Ан эса Пятницкийга ютқазди

Қаршида Ботир Қораев бошчилигидаги "Насаф" жамоаси Қаҳрамон Маҳамаджонов қўл остидаги "Олимпик"ни қабул қилди ва 1:2 ҳисобида мағлуб бўлди. Бу йилдан эътиборан "Олимпик" U-21 жамоаси сафида "Одил Жуниор" академиясида тарбия топган 17-18 ёшли футболчилар ўйнашади.

Маълумот учун, "Насаф" U-21 асосий таркибининг ўртача ёши 20,6 бўлди. "Олимпик"да эса бу кўрсаткич 18ни ташкил этди.

Яна бир ўйин Наманганда кечди. Унда Дмитрий Ан қўл остидаги "Навбаҳор" U-21 Андрей Пятницкий бошчилигидаги "Динамо" U-21га қарши майдонга тушди ва 1:2 ҳисобида имкониятни бой берди.

U-21 Биринчилиги, 1-тур
"Насаф" - "Олимпик" 1:2
Голлар: Зафармурод Абдирҳматов 42 - Ойбек Ўрмонжонов 45+1 пенальти, Самандар Қодиров 48.

"Навбаҳор" - "Динамо" 1:2
Голлар: Шодиёр Шодибоев 10 - Хуршидбек Убайдуллаев 70, Ойбек Ҳамрақулов 76.