Нидерландия терма жамоаси аъзоси 6 йилга озодликдан маҳрум этилди
14 feb 2024 16:21
News

Нидерландия терма жамоаси аъзоси 6 йилга озодликдан маҳрум этилди

Амстердам суди "Спартак" ҳужумчиси Квинси Промесни гиёҳванд моддалар контрабандасида айбдор деб топди ва футболчини 6 йилга озодликдан маҳрум қилди.

Бу ҳақда Нидерландиянинг "De Telegraaf" нашри хабар берди.

Аввалроқ Промес оғирлиги 1370 кг бўлган кокаин контрабандасида иштирок этгани учун 9 йилга озодликдан маҳрум этилиши ҳақида хабар берилганди. Нидерландия прокуратураси суд мажлисида футболчи учун бу муддатни сўраган.

Судга кўра, Промес 2020 йил январь ойида Антверпен портига келган икки партия кокаин контрабандасида "ҳал қилувчи роль" ўйнаган. Суд мажлисида Квинсининг ўзи иштирок этмади, Нидерландия прокуратураси унинг экстрадиция қилинишига эришолмади. Ҳужумчи жорий мавсум "Спартак" сафида 21 та ўйин ўтказиб, 8 та гол ва 8 та голли узатмага муаллифлик қилди.

Link :

Source : De Telegraaf

Receive latest football news directly on your phone. Subscribe for our Telegram channel!

Rating: +4