Силва АПЛ тарихида 39+ ёшида гол урган тўртинчи футболчи бўлди
13 nov 2023 09:26
News

Силва АПЛ тарихида 39+ ёшида гол урган тўртинчи футболчи бўлди

“Челси” клубининг бразилиялик ҳимоячиси Тиаго Силва Англия премер-лигасининг 12-тури доирасида “Манчестер Сити”га қарши ўйинда (4:4) голлардан бирини киритди.

Шу тариқа, АПЛ тарихида 39+ ёшида гол урган тўртинчи футболчи бўлди. Унга қадар Дин Уиндасс, Тедди Шерингем, Райан Гиггз каби футболчилар 39+ ёшида АПЛда гол уришни уддалашган.

Эслатиб ўтамиз, 39 ёшли Силва "Челси"га 2020 йилда келиб қўшилган. Бу вақт ичида бразилиялик ҳимоячи Лондон клуби сафида 127 та учрашувда қатнашиб, 6 та гол ва 4 та голли узатмани амалга оширган.

Жорий мавсумда бразилиялик барча турнирларда 12та ўйинда майдонга тушиб, битта гол урган. Футболчининг Лондон клуби билан амалдаги шартномаси 2024 йилнинг 30 июнига қадар амал қилади.

Link :

Source : championat.com

Receive latest football news directly on your phone. Subscribe for our Telegram channel!

Rating: +3