Салоҳ "Манчестер Сити"га қарши ўйнашга тайёр!

"Ливерпуль" вингери Муҳаммад Салоҳ сафга қайтди ва Англия Премьер-лигасининг 28-туридан ўрин олган "Манчестер Сити"га қарши ўйинда иштирок этишга шай. Бу ҳақда жамоа бош мураббийи Юрген Клопп айтиб ўтди.

"У биз билан. Салоҳ икки кундан бери машғулот ўтказмоқда ва кучга тўла. Кўрамиз. У сафга қайтгани ажойиб иш бўлди. 

У жамоа билан икки кун давомида шуғулланди. Бошқа вазиятда футболчи қайдномага бундай вақтда киритилмаган бўларди, аммо ҳозир вазият шунақа, бу мантиқий қарор. Биз эҳтиёт бўлишни хоҳлаймиз ва эҳтиёт бўлишимиз керак, лекин биз мавсумнинг ўта шиддатли қисми ўртасида турибмиз. Бизга ҳамма керак. Кўрамиз, у қанча вақт майдонда бўла олади, лекин, ҳа, бу яхши хабар", – деди Клопп.

"Ливерпуль" – "Манчестер Сити" учрашуви 10 март куни 20:45 да бошланади.