Руди Гарсия Бельгия термасининг муҳим футболчиларини қайтармоқчи

"Тибо Куртуа - дунёнинг энг яхши дарвозабони, Бельгия футболи тарихидаги энг зўр футболчилардан бири. Уни таркибда кўришни истайман. Ундан ҳам бу борада яхши гаплар чиқмоқда.

Де Брюйне ва Лукаку? Мадрид, Манчестер ва Неаполга бориб, улар билан гаплашаман. Бизни топ-термага айлантирадиган футболчилар билан гаплашиб олиш керак.

Катта футболчилар билан ишлаш доимо осон бўлган деб ҳисоблайман. Улар билан доимо очиқ бўлиш керак", - деди Гарсия.

Эслатиб ўтамиз, Гарсия Бельгия термаси бош мураббийига айланди. У Доменико Тедесконинг ўрнини эгаллади. Доменико Тедеско бунга қадар Куртуа, Лукаку ва де Брюйне билан мунозарага боргани учун уларни термага чақирмаётганди.