Роналду Европанинг кўп маош тўланадиган машҳурлари орасида иккинчи

Португалия терма жамоаси ва "Реал" ҳужумчиси Криштиану Роналду бу йил 93 миллион доллар ишлади ва рейтингда иккинчи поғонани эгаллади. У фақатгина Гарри Поттер ҳақидаги китоблар сериясини ёзган Жоан Роулингдан ортда қолди (95 миллион доллар).

Роналду британиялик поп-рок гуруҳ "Coldplay" (88 млн), қўшиқчи Адель (69 млн), теннисчи Рожер Федерер (64 млн) ва мусиқачи Элтон Жон (60 млн)ларни ортда қолдирди.

Дунё рейтингида Роналду бешинчи ўринни эгаллади. Жаҳонда Роулингдан ташқари, рэп ижрочиси Шон Комбсу (130 млн), қўшиқчи Бейонс (105 млн) ва яна бир рэпер Дрейк (94 млн)лардан ортда қолди.

Роналду энг кўп пул топувчи спортчилар орасида биринчи бўлди. У баскетболчи Леброн Жеймс (86,2 млн) ва футболчи Лионель Месси (80 млн)лардан олдинда.