"Рома" "Ювентус" футболчиси билан шартнома имзолади
31 jul 2024 00:44
News

"Рома" "Ювентус" футболчиси билан шартнома имзолади

"Рома" "Ювентус"га тегишли бўлган 21 ёшли вингер Матиас Соуле трансферини эълон қилди.

Футболчи билан шартнома 2029 йилнинг ёзига қадар мўлжалланган. Аргентиналик ҳужумчи 2020 йилдан буён Турин клубида тўп тепмоқда. "Ювентус" катталар жамоаси таркибида Соуле барча турнирларда 27 та ўйинда қатнашиб, учта гол уриб, шунча голли узатмани амалга оширди.

Ўтган мавсум ҳужумчи "Фрозиноне"да ижара асосида ўйнади ва барча мусобақаларда 39 та учрашувда қатнашиб, 11 та гол ва 3 та голли узатмани ўз ҳисобига ёздириб қўйди. Transfermarkt порталида берилган маълумотларга кўра, футболчининг бозор қиймати 25 миллион еврони ташкил қилади.