Футболчи ҳушидан кетиб қолгани туфайли "Рома" – "Удинезе" ўйини охирига етмай қолди — ҳимоячи зудлик билан шифохонага олиб кетилди

Бу 32-тур доирасидаги баҳс 1:1 ҳисобида якунланишига 18 дақиқа қолганида содир бўлди. 

"Рома" ҳимоячиси Эван Н'Дика тўсатдан ўзини ёмон ҳис қилиб, йиқилиб тушди, аммо у шерикларига кўкрак қафасидаги оғриқ ҳақида хабар беришга улгурди.

Шундан сўнг ҳакам ҳимоячида ҳаммаси жойида эканлигига ишонч ҳосил қилиш учун римликларга 2 дақиқа вақт берди. Ҳолат "Рома" футболчиларини жиддий хавотирга солгани учун рефери Лука Пайретто муҳокамалардан сўнг ўйинни буткул тўхтатишга қарор қилди.

Энди ўйин тўхтатилган вақтдан бошлаб бошқа куни якунлаб қўйилади.