Рамуш Роналду ҳақида фикр билдирди

"Ҳатто тушимда ҳам жаҳон чемпионатининг плей-офф босқичида асосий таркибда ўйнашимни тасаввур қила олмасдим. Ҳозирда Марокашга қарши ўйинга тайёргарлик кўряпмиз, шу боис бошқа ўйинлар ҳақида ўйламаймиз.

Криштиану Роналду бизнинг етакчимиз. У жамоа сардори ҳисобланади. Биз ҳамиша у билан ёнма-ён ўйнашни интиқлик билан кутамиз. Роналду кўпчилигимизнинг кумиримиз саналади. Криштиану Роналду, Роберт Левандовски ва Златан Ибрагимович менга ўрнак бўладиган футболчилардир", - деди "Бенфика" клуби ва Португалия терма жамоаси ҳужумчиси.

Эслатиб ўтамиз, ЖЧ-2022 1/8 финалида Швейцарияга қарши ўйинда (6:1) хет-трик қайд этган Рамуш учрашувнинг энг яхши футболчиси деб топилди. Криштиану Роналду эса учрашувнинг 73-дақиқасида захирадан майдонга туширилди.