Қозоғистон U-20 мураббийи Ўзбекистондан учралган икки мағлубиятдан сўнг истеъфога чиққанини маълум қилди

"Тошкентда барча футболчиларни синаб кўриш ва уларга халқаро тажриба бериш мақсадида иккита ўртоқлик ўйини ўтказдик. Афсуски, иккала ўйинда ҳам мағлуб бўлдик. Андоррадаги мағлубиятдан сўнг йигитлар мағлубиятни қаттиқ қабул қилишди ва бу уларнинг руҳига таъсир қилди. Биринчи ўйинда ўйин охирида гол ўтказиб юбордик – 0:1, иккинчисида эса ўйин давомида олдинга чиқиб олдик, лекин имкониятни бой бериб қўйдик", – деди Мамонов.

Мутахассис иккинчи ўйиндан сўнг футболчиларга бош мураббийликдан кетишини маълум қилиб, жамоага меҳнатлари учун миннатдорлик билдирди.

Биринчи ўртоқлик ўйинида Ўзбекистон Қозоғистонни 1:0, иккинчисида эса 3:1 ҳисобида мағлуб этган эди.