"Қайрат"нинг 18 ёшли посбони Касильясни ортда қолдирди

"Қайрат" футболчиси "Спортинг" – "Қайрат" баҳсида (4:1) майдонга тушиб, асосий еврокубок турнирида ўйнаган учинчи энг ёш посбонга айланди. Бу ютуғи орқали у "Реал" ва Испания терма жамоаси афсонаси Икер Касильясни ортда қолдирди.

Чемпионлар Лигасида майдонга тушган энг ёш дарвозабонлар:

Маартен Вандевоордт – 17 ёш 287 кун – "Генк" – 2019 йил 10 сентябрь 

Миле Свилар – 18 ёш 52 кун – "Бенфика" – 2017 йил 18 октябрь

Шерхан Калмурза – 18 ёш 96 кун – "Қайрат" – 2025 йил 18 сентябрь

Икер Касильяс – 18 ёш 118 кун – "Реал" – 1999 йил 15 сентябрь

Николай Михайлов – 18 ёш 125 кун – "Левски" – 2006 йил 31 октябрь

Жамоанинг биринчи ва иккинчи дарвозабонлари жароҳат олганидан сўнг "Қайрат" дарвозасини Калмурза қўриқлади. Аввалига Александр Заруцкий "Селтик"ка қарши ўйинда жароҳат олди. Шундан кейин Темирлан Анарбеков КПЛ доирасидаги "Актобе" билан баҳсда сафдан чиқди.

Чемпионлар Лигаси умумий босқичининг навбатдаги турида "Қайрат" "Реал"га қарши баҳс олиб боради. Ўйин 30 сентябрь куни Олмаотадаги "Марказий" стадионида бўлиб ўтиши режалаштирилган.