Олисега бешта клуб даъвогарлик қилмоқда

"Челси", "Манчестер Юнайтед", "Манчестер Сити", "Ньюкасл" ва "Бавария" жамоалари "Кристал Пэлас" вингери Майкл Олисега қизиқиш билдирмоқда. Бу ҳақда "The Athletic" нашри хабар бермоқда.

Футболчининг товон пули 60 миллион фунтни ташкил қилади. Ҳозирча фақат "кўклар" бандни фаоллаштиришга тайёрлигини билдирган.

22 ёшли франциялик футболчи ўтган мавсум АПЛда 19 та ўйинда қатнашиб, 10 та гол урди ва 6 та голли узатмани амалга оширди. Унинг "бургутлар" билан келишуви 2027 йилнинг июнигача мўлжалланган.