Неймар футбол тарихидаги энг яхши ярим ҳимоячи кимлигини айтди
05 aug 2025 13:38
News

Неймар футбол тарихидаги энг яхши ярим ҳимоячи кимлигини айтди

"Сантос"нинг бразилиялик ҳужумчиси Неймар журналистлар билан суҳбатда футбол тарихида кўрган энг яхши ярим ҳимоячиси кимлигини ажратиб кўрсатди.

Неймар "GiveMeSport" нашрига у кўрган энг яхши ярим ҳимоячи "Барселона" ва Испания терма жамоасининг собиқ футболчиси Андрес Иньеста эканлигини айтди. Бразилиялик футболчи Иньеста шунчаки ақл бовар қилмас маҳоратга эга эканлигини таъкидлади.

"У ақл бовар қилмас футболчи ва ҳатто "Олтин тўп"га ҳам муҳтож бўлмаган афсона. Андрес ҳаммадан фарқ қилади. Унда ўзига хос нафислик ва ғоят юксак даражадаги маҳорат мавжуд эди", – дея қўшимча қилди Неймар.

Эслатиб ўтамиз, 2024 йилнинг октябрь ойида Андрес Иньеста футболчилик фаолиятини якунлаганини эълон қилганди. Испаниялик футболчининг сўнгги клуби БААнинг "Эмирейтс" жамоаси бўлган. Ярим ҳимоячи фаолиятининг кўп қисмини "Барселона" таркибида ўтказган.

Link :

Source : GiveMeSport

Receive latest football news directly on your phone. Subscribe for our Telegram channel!

Rating: +10