"Насаф" президенти Шуҳрат Асланов: "Чемпионликни осонликча бериб қўймаймиз"
30 oct 2022 20:28
News

"Насаф" президенти Шуҳрат Асланов: "Чемпионликни осонликча бериб қўймаймиз"

Ўзбекистон кубоги финалида "Навбаҳор"дан устун келган "Насаф" клуби президенти Шуҳрат Асланов фикрлари билан ўртоқлашди.

"Ҳиссиётлар ажойиб. Узоқ машаққатли йўлни босиб ўтдик. 2018 йил тўлиқ академиямиз тарбияланувчиларига асосланган жамоа тузилди. Сабр қилдик. Мухлисларга, бизни қўллаб-қувватлаган вилоят ҳокимиятига, "Ўзбекнефтгаз" раҳбариятига раҳмат айтаман. Кетма-кет иккинчи йил кубокда ғолиб чиқдик. Ўйлайманки, чемпионликни осонликча бериб қўймаймиз",- дейди Шуҳрат Асланов.

- Бугун "Насаф"да 8 нафар академия тарбияланувчилари майдонга тушди. Бу жараён кейинги йил ҳам давом этадими?

- Албатта. Мана бугун захирадан майдонга тушган футболчимиз ўйинга катта таъсир қила олди. Бизда иқтидорли ёш футболчилар жуда кўп. Рўзиқул Бердиев бошчилигидаги жамоа ёшларга ишонишда давом этади. Ўйлайманки, чемпионлик учун барча жамоалар тенг имкониятга эга бўлиб турибди. "Насаф"да имконият юқори ва жамоа бундан унумли фойдаланади, деган умиддаман.

Link :

Source : championat.asia

Receive latest football news directly on your phone. Subscribe for our Telegram channel!

Rating: +48