Месси "Олтин тўп" учун овоз беришда Ҳоландни неча очкога ортда қолдиргани маълум
04 nov 2023 14:35
News

Месси "Олтин тўп" учун овоз беришда Ҳоландни неча очкога ортда қолдиргани маълум

Норвегиялик форвард иккинчи ўринни эгаллади.

Журналист Фабрицио Романо ҳужумчилар Лионель Месси ва Эрлинг Ҳоланднинг "Олтин тўп" учун овоз бериш натижаларини эълон қилди.

"Интер Майами"нинг аргентиналик футболчиси 462 очко, "Манчестер Сити"нинг норвегиялик форварди 357 очко жамғарган.

30 октябрь куни Франциянинг "France Football" журнали томонидан ўтган мавсум учун тақдирлаш маросими бўлиб ўтди. Овоз бериш натижаларига кўра, Американинг "Интер Майами" клуби ва Аргентина терма жамоаси ҳужумчиси Лионель Месси "Олтин тўп" совринини қўлга киритди.

Бу соврин Мессининг фаолиятидаги саккизинчиси бўлди. "Олтин тўп"ни ҳеч ким аргентиналик ҳужумчидан кўра кўпроқ қўлга киритмаган.

Link :

Source : twitter.com/FabrizioRomano

Receive latest football news directly on your phone. Subscribe for our Telegram channel!

Rating: +13