Мбаппе “Ренн”га қарши майдонга туша оладими?

Қайд этилишича, ПСЖ ҳужумчиси Килиан Мбаппе Лига 1 10-туридан ўрин олган, 8 ноябрга режалаштирилган “Ренн”га қарши баҳсни жароҳати сабаб ўтказиб юборади. Футболчи ҳали жароҳатидан тикланишга улгурмаган.

Эслатиб ўтамиз, 21 ёшли ҳужумчи жароҳат сабаб ЕЧЛ гуруҳ босқичи 3-туридан ўрин олган “Лейпциг”га қарши ўйинни (1:2) ҳам ўтказиб юборганди.

Мбаппе жорий мавсум барча мусобақалар доирасида 8 та ўйинда қатнашиб, 7 та гол уриб, 7 та голли узатмани амалга оширди.