Луис Суарес Месси ва Это'Одан ҳам ўтиб кетди + ФОТО
22 jan 2018 11:19
News

Луис Суарес Месси ва Это'Одан ҳам ўтиб кетди + ФОТО

Кеча тунда ЛаЛига 24-туридан ўрин олган учрашувда пешқадам "Барселона" сафарда "Бетис"ни таслим этди - 5:0.

Ана шу ўйинда каталонияликлар сафида Луис Суарес иккита гол урди ва иккита голли пас берди. Шу тариқа, уругвайлик форварднинг Испания чемпионатидаги голлари сони 100тага етди. Бунинг учун Луисга 114та учрашув етарли бўлди.

Шу тариқа, Суарес "Барселона" таркибида 100та голни энг тез урган ўйинчига айланди. Бундан олдинги рекорд Самуэл Это'Ога тегишли эди. Камерунлик ҳужумчи "кўк-анорранглилар" таркибида 100та гол уриш учун 130та ўйинда иштирок этган.

Бу борада топ-5дан Ладислао Кубала (132 ўйинда), Лионель Месси (154 ўйинда) ва Сесар Родригес (159 ўйинда)лар жой олишган.