"Лидс" мухлислари газета орқали Бьелсага миннатдорчилик билдирди

Бунинг учун мухлислар маҳаллий нашрлардан бирида реклама сотиб олишди ва у ерда аргентиналик мутахассисга мурожаат қилишди.

"2018 йилнинг август ойидан янгича туйғуларни ҳис қила бошладик. Футбол янада ажойиб, жамоамиз эса кучлилар сафига қўшилиши бўлиши мумкинлигини исботладингиз. Сиз бизга футболдан кўпроқ нарсани бердингиз. Сиз бизни бирлаштирдингиз. Ҳаммаси учун раҳмат, Марсело", - дейилади мухлислар хабарида.

Бьелса феврал ойи охирида Лидсни тарк этганди. Мутахассис аввалроқ "Эспаньол", Бильбаонинг "Атлетик", "Марсель" ва "Лилль" клубларини бошқарган, Аргентина ва Чили терма жамоаларида ҳам ишлаган.