Кроос: "Германия ҳозирда катта ютуқларга эриша оладиган терма жамоалар қаторида эмас"

"Ҳозир биз энг катта ютуқларга эриша оладиган жамоалар қаторида эмасмиз. Чунки бошқалар шунчаки кучлироқ. Аммо мен ишонаманки, агар энг сара немис футболчилари жалб этилса ва уларнинг барчаси формада бўлса, бизнинг кучли томонларимиз бор. Ҳа, биз ҳозир жаҳон чемпиони унвони ҳақида гапиришдан йироқмиз. Бироқ турнир келаси ёзда бўлиб ўтади. Айни пайтда биз бундан жуда узоқдамиз ва ҳақиқатан ҳам энг яхши ҳолатда эмасмиз. Лекин ёзда – керакли ўйинчиларни формага келтирсак бўлади. Биз саралашда нисбатан осон гуруҳга тушдик ва бу борада жуда омадлимиз", – деди Кроос.

Германияликлар саралаш турнирининг 1-тур учрашувида Словакияга имкониятни бой берди (0:2), 2-турда Шимолий Ирландия терма жамоасини мағлуб этди (3:1). Германия 3 очко билан "А" гуруҳида учинчи ўринни эгаллаб турибди.