Криштиану Роналдунинг либоси кимошди савдосига қўйилди

36 ёшли португалиялик футболчи Португалия терма жамоасида ўйнаган ҳамда кейинчалик имзоси туширилган формасини кимошди савдосига қўйди. Аукцион 24 декабрда бошланади ва барча пуллар Ла Пальма оролидаги вулқон отилиши қурбонларига берилади.

"Вулқоннинг кучи ҳам Ла Пальмани барбод қилолмайди. Мен бу гўзал оролни қўллаб-қувватлайман", — деб ёзган Роналду футболкасига.

Эслатиб ўтамиз, Криштиану Роналду "МЮ" сафида ушбу мавсум 18 ўйинда майдонга тушиб, 13 та гол урган ҳамда 2 та голли узатмани амалга оширган.