Карлуш Кейруш: "Очиғини айтаман, бугун ғалаба қозонишимиз керак эди"

"Биринчи навбатда бугун яхши ўйин бўлди деб ўйлайман. Бугунги учрашувдан кўплаб хулосалар чиқарамиз. Ўзбекистон ЖЧга чиққан жамоа ва бундай рақибга қарши ўйнаш жуда фойдали. Бугунги баҳс бизга ўсишга ёрдам беради. Биз фақатгина натижа ва ғалаба учун ўйнашимиз керак. Очиғини айтаман, бугун ғалаба қозонишимиз керак эди"

- Ўмон терма жамоаси октябрь ойида ЖЧ саралашининг сўнгги икки баҳсида иштирок этади. Ҳозир эса жамоа CAFA мусобақасида иштирок этмоқда ва гуруҳ босқичидаёқ учта ўйин ўтказади. Ушбу ФИФА кунларидан сўнг эса Ўмон чемпионатида яна учта тур ўтказилади ва ундан сўнг октябрь ойидаги ФИФА кунлари. Бундай зич тақвим жамоанинг зарарига ишлаши мумкинми? Масалан, CAFA мусобақасидаги камида учта ўйиндан кўра, Ўмон иккита ўртоқлик ўйинида иштирок этиб қўйгани яхши эмасмиди?

- Бундай вариант ҳам яхши эди, аммо мен терма жамоага келган вақтим CAFA мусобақасидаги иштирок аниқ бўлиб улгурган эди. Бу режани менга беришди, мен қабул қилганим йўқ. Шунинг учун, шунчаки футбол ўйнайлик ва роҳатланайлик. Биз бу ерга учта ўйинда эмас, тўртта ўйинда иштирок этиш учун келганмиз. Терма жамоадаги ёш футболчиларга имкон қадар халқаро тажриба бериш менинг мақсадим. Олти нафар асосий футболчимиз бугунги учрашувда иштирок этмади, иккитасида жароҳат бор. Икки нафар футболчини ёшлар терма жамоасидан жалб этдик. Бундай ўйинлар футболчиларга ўсиш учун ёрдам беради. Бундай ҳолатдан нолигандан кўра, вазиятни қабул қилиш керак. Бор имкониятдан фойдаланишимиз керак.

- Карлуш Кейруш фаолияти давомида беш маротаба Тошкентга келган. Бугунги дурангни ҳисобга олмасак, қолган барча учрашувларда Кейруш жамоалари Ўзбекистонни мағлуб этган. Бундай статистиканинг сири нимада? Кейруш Ўзбекистонга қарши яхши ўйнай олишининг сиричи?

- Мен Ўзбекистонга ҳеч қачон ютқазмаганман, лекин Ўзбекистонни жуда яхши кўраман. Сизларни яна бир маротаба ЖЧга чиққанларингиз билан табриклайман. Мураббий сифатидаги менинг асосий ишим - ғалаба қозониш. Бугун майдонда икки ҳил футбол услубинин кўрдик. Ўзбекистон кўпроқ очиқ футбол намойиш этса, биз кўпроқ вертикаль футбол ўйнадик. Майдонда нима бўлишидан қаъти назар, мақсад ғалаба қозониш эди. Футболчилар майдонда курашишди ва жанг қилишди. Биз бугун ғалаба қозонишимиз керак эди, аммо бироз омадимиз келмади.

- Бугун, Ўмон терма жамоасиниг ўйини менга ёрқинроқ кўринди. Ўмон футбол федерацияси сизга аниқ бир вазифа юклатдими?

- Мақсадимиз - Жаҳон чемпионатига чиқиш. Биз Ўзбекистон билан бирга Жаҳон чемпионатида иштирок этмоқчимиз. Йигитларим бугун намойиш этган иштиёқ мени хурсанд қилди. Биз кейинги ой Қатар ва БААга қарши ўйнаймиз. Устига-устак Қатар майдонида. Айнан Қатар майдонида. Ўша саналарга дунёда барча стадионлар банд бўлар экан ва биз шунинг учун Қатарда ўйин ўтказамиз. Қатарга қарши Қатарда ўйнаймиз. Улар шундай қарор қилишди. Биз ушбу учрашувларга тайёр бўлиб боришимиз керак, айниқса руҳий жиҳатдан.

- Ўмон халқи учун Жаҳон чемпионати йўлланмасини қўлга киритиш нимани англатади деб ўйлайсиз?

- Орзунинг амалга ошиши. Бу бизнинг олдимизга қўйилган жиддий чақирув, лекин тўп ҳаракат тўхтамайди. Ҳисоб эса 0:0. Ўйин якунланганига қадар бизда имконият бўлади. Шунингдек, Ўмон мухлислари кўплаб сафар учрашувларига боришади. Агар Ўмон ЖЧГа чиқса, минглаб мухлислар АҚШга боради. 

- Агар Ўмон билан мундиалга чиқа олсам, бу менинг бешинчи мундиалим бўлади. Беш терма жамоа билан Жаҳон чемпионатига чиққан биринчи мураббий мен бўламан. Бора Милутинович АҚШ билан саралашда иштирок этмаган. Шунинг учун мен рекордчи бўлишга имкониятим бор. Агар ушбу натижага эришсам, Ўмон пойтахти Мускат шаҳридан Нью-Йоркгача сузиб бораман.