Жанубий Корея U-17 бош мураббийи: "Агарда учрашувга яхшироқ тайёргарлик кўрганимизда, ғалаба қозонардик"

Ўйин ҳақида

— Ўйиндан қониққаним йўқ. Агарда учрашувга яхшироқ тайёргарлик кўрганимизда, ғалаба қозонардик, деб ўйлайман. Ўзбекистон терма жамоасини ғалаба билан табриклайман. 

— Жанубий Корея биринчи бўлимда ўз услубига содиқ қолган ҳолда паслар орқали тартибли ўйин намойиш этди. Иккинчи бўлимда эса Ўзбекистон томонидан уюштирилган прессинг эвазига шогирдларингизда шошқалоқлик кузатилди. Буни қандай изоҳлайсиз?

— Биринчи бўлимда босимни яхши ушлаб турдик. Ўзбекистон терма жамоасининг эркин ўйин намойиш этишига йўл қўймадик. Иккинчи бўлимда эса ҳимоячиларимизнинг баъзи хатолари қимматга тушди. 

— Турнир аввалидаги матбуот анжуманида Ўзбекистондан 6 очко билан қайтамиз, деб айтиб ўтгандингиз. Бундай натижага эришолмаганингизга нима сабаб бўлди?

— Охирги натижадан бутун жамоа қониқмади. Ўйинчилар бугун кўп ҳаракат қилди, шунга қарамай, учрашувдан қониқиш ҳосил қилмадим.