Жамшид Саидов: "Бугун "Бунёдкор" легионерлари яхши ўйин кўрсата олишмади"

- Ўйин ҳақида

- Аввало, мавсум старти билан футбол аҳлини табриклайман. Биринчи таймда яхши ўйнадик, иккинчи таймдаги ўйинимиз эса бироз ранжитди. Ғалабадан мамнунман. Мухлисларга эса алоҳида раҳмат айтаман.

- “Қизилқум” 10 баллик тизимда ҳатто 15 баллга лойиқ ўйин кўрсатди. Жамоада захира ўриндиғи тор. Шу ҳақда нима дея оласиз?

- Ҳа, бугун захирадан тушганлар ўйинни кучайтиришмади. Захирадан тушганлар ёш бўлганликлари учун унча ўхшамади.

- “Бунёдкор” ҳақида нима дея оласиз?

- Бунёдкор кучли рақиб. Бугун уларнинг легионерлари яхши ўйин кўрсата олишмади.

- Айрим позицияларда футболчиларни ўз жойида ўйнатмадиниз. Масалан, Азизбек Усмонов ва Шерзод Файзиевни…

- Ҳа, уларни бошқа жойда ўйнатишга қарор қилдим. Умуман олганда, улар бошқа позицияларда ҳам ўйнай олади. Бу табиий ҳол.

- 65-дақиқадан сўнг жамоа чарчаб қолгандек туюлди…

- Ҳа, бу сезилди. Масалан, захирадан тушганлар ўйинни кучсизлантиришди. 

- Лобжанидзе ва Ғиёсов қачон сафга қайтишади?

- Улар ҳозирда жароҳатларини даволаш билан банд. Тез ораада уларни майдонда кўрасиз.