Италия А Сериясининг энг креатив футболчиси ким?

"Милан" ярим ҳимоячиси Шарль де Кетеларе А Сериянинг энг креатив футболчиси, дея хабар берди "La Gazetta dello Sport".

Бельгиялик футболчи ҳар бир учрашувда ўртача 3 тадан голли вазият яратмоқда. Бу Италия чемпионатининг жорий мавсумидаги энг юқори кўрсаткичдир.

Бу кўрсаткич бўйича 2-ўринга "Наполи" ярим ҳимоячиси Петр Зелиньски жойлашган. Польшалик ижодкор ҳар бир учрашувда ўртача 2,7 та голли вазият яратади. Кучли учликни "Удинезе" ҳужумчиси Жерар Деулофеу эгаллади. Унинг кўрсаткичи – ҳар бир ўйинда 2,6 та голли вазият.

Де Кетеларе ўтган ёзда "Брюгге"дан "Милан"га ўтган эди. Трансфер суммаси 32 миллион еврони ташкил қилган.