Ҳожимат Эркинов: "ОКМКда катта футболга мослашганман"
08 oct 17:23
News

Ҳожимат Эркинов: "ОКМКда катта футболга мослашганман"

"90minutuz" подкастининг навбатдаги сонида Ўзбекистон миллий терма жамоаси вингери Ҳожимат Эркинов қатнашди.

Унда подкаст муаллифларидан бири Нодирхўжа Юлдашев Эркиновдан Миржалол Қосимов бошчилигидаги ОКМКда тўп тепган даври қандай ўтганини сўради.

"Миржалол Қосимов қаттиққўл мураббий эди. Биринчи ўйиним Жиззахда "Сўғдиёна"га қарши кечган ва 1 та ассист амалга оширганман. Ўшандан кейин менга ўйин амалиёти бера бошлашди. Кейинги баҳсда "Бунёдкор"га гол урганман. Миржалол акага раҳмат деб қоламан. Мени кўп марта қўллаб-қувватлаб, ўйин амалиёти берганлар. Фаолиятимда бурилиш даври бўлган. Мухлислар ўша пайтда таниган.
Футболчи сифатида ўсишга эришганман. Ўша пайт Олмалиқда кўплаб тажрибали футболчилар тўп тепарди, шу орқали катталар футболига мослашганман", – деди Эркинов.