Февзи Давлетов: "Рустам Турдимуродов жамоада қоладими? Тўғриси, бу саволга жавоб бериш мен учун қийин"
10 nov 21:15
News
Февзи Давлетов: "Рустам Турдимуродов жамоада қоладими? Тўғриси, бу саволга жавоб бериш мен учун қийин"
- Ўйин ҳақида фикрингиз?
- Биринчи таймда етарли даражада вазиятлар яратдик, фақат фойдаланиш керак эди. Шунда иккинчи бўлим биз учун янада осон ўтарди. Танаффусдан кейин ҳам барқарор ўйин намойиш этишга ҳаракат қилдик, сабр қилиб охиригача кутдик. 1:0 ҳисобида ғалабага эришдик ва навбатдаги уч очкони қўлга киритдик. Ҳаракат қилишда давом этамиз. Ўйлайманки, ҳаммада кайфият яхши. Ўйин оғир бўлишини футболчиларга айтгандик, чунки "Шўртан" асосий эътиборни ҳимояга қаратишини билардик. "Шўртан" билан ўйинлар осон бўлмаяпти деб бемалол айта оламан.
- Асилбек Жумаев иккинчи бўлимда майдонга тушди. Бу нима билан боғлиқ?
- Биз Асилбекни атайин иккинчи бўлимга сақлаб қўйдик. У захирадан майдонга тушиб ўйинни кучайтиради деб ўйлагандик ва шундай бўлди ҳам. Баҳсни асосий таркибда бошлаган Асадбек Каримовнинг ҳам ҳаракатларидан кўнглимиз тўлди. У кам амалиётга эга бўлмоқда, шу боис майдонда синаб кўришга қарор қилдик. Асилбек Жумаев энди олимпия терма жамоамиз сафига йўл олади ва фақат 19 ноябрь куни жамоамизга қайтади.
- Мавсум тугашига оз қолди. Рустам Турдимуродов жуда яхши мавсумни ўтказяпти, у келаси йил ҳам жамоада қоладими?
- Мен учун бу ҳақда гапириш қийин. Чунки жамоамизда муаммолар кўп ва тез орада бартараф этилса керак. Турдимуродов зўр футболчи ва менимча, барча жамоалар уни хоҳлайди. Ҳаммаси яхши бўлса, албатта сафимизда олиб қоламиз.
Similar news
championat.asia
Роналду ММА-промоушен акциядорига айланди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
Манба: Самвел Бабаян - "Андижон" бош мураббийи!
Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади
Comments