Эшитдик-да! ЎзПФЛ “Пахтакор”га сўнгги турни ўз уйида ўтказишга рухсат бермади

Айни вақтда чемпионлик учун “Насаф”, “Пахтакор” ва “Навбаҳор” клублари кураш олиб боряпти. 

“Пахтакор” сўнгги турда “Бунёдкор”га қарши майдонга чиқиши керак. Илк даврада томонлар “Пахтакор” аренасида тўқнаш келган ва унда “қалдирғочлар” 3:2 ҳисобида устун келганди. Айни вақтда “Бунёдкор” стадионида таъмирлаш ишлари давом этаётганидан келиб чиқиб, “Пахтакор” такрорий ўйинни ҳам ўз майдонида ўтказмоқчи. Бироқ мазкур ҳолат чемпионлик рақобатига таъсир кўрсатишидан келиб чиқиб, ЎзПФЛ бунга рухсат бермаган. 

26 ноябрь куни “Жар” ва “Локомотив” стадионларида ҳам учрашувлар бор эканлигидан келиб чиқиб, ЎзПФЛ Тошкент дербиси учун фақатгина АГМК майдонини таклиф қилган.