Эшитдик-да! "Навбаҳор" яна икки нафар бразилиялик футболчини олиб келмоқчи

"Championat.asia" сайти манбасининг хабар беришича, Наманганнинг "Навбаҳор" клуби яна икки нафар бразилиялик футболчи билан шартнома имзоламоқчи. Булар: 28 ёшли марказий ҳимоячи Хулио Сезар ҳамда 26 ёшли ҳужумкор ярим ҳимоячи + вингер ролида ўйнай оладиган Деметриус.

Ж.Сезарнинг сўнгги жамоаси Тайланднинг "Утай Тани" клуби бўлган. У Тайланд клуби таркибида ўтган мавсум жами 26 та ўйин ўтказган ва битта гол урган.

Деметриуснинг сўнгги жамоаси эса Грециянинг "Каллитеа" клуби бўлган. У греклар сафида 2022 йилдан бери тўп тепиб келади. Шу вақт ичида Деметриус 121 та ўйин ўтказган ва 13 та гол уриб, 14 та ассист беришга эришган.

Эслатиб ўтамиз, "Навбаҳор"ни тез орада ҳимоячи Сергей Карпович тарк этиши кутилмоқда. Шундай бўлган тақдирда, "лочинлар"да икки легионер лимити бўшайди ва улар юқоридаги бразилияликларни олиб келишлари мумкин бўлади.