Баҳодир Даминов: “Келажакда Суперлигада ўйнаш орзуим бор”

- Жуда яхши ўйин кечди, - дея гап бошлади Даминов. “Чиғатой” ҳам яхши жамоа экан. Бизга яхши қаршилик кўрсатди.

Мавсум бошида бизга биринчи лигада 1-ўринни қўлга киритиш ва Про-лиага йўлланма олиш вазифаси қўйилганди. Биз эса мавсум давомида мураббийларимиз томонидан кўрсатмаларга эътибор қаратдик ва ўзимиз учун керакли очколарни қўлга киритиб бордик. Якунда эса Про-лигага йўлланмага эга бўлдик.

Шартномам 2022 йилнинг декабрига қадар мўжалланган. “Зомин” билан Про-лигада тўп тепиш ва жамоага ёрдам беришни истайман. Келажакда Суперлигада ўйнаш орзуим бор.
Биринчи лигада ҳар бир жамоа бизга қаршилик кўрсатди. Бирорта ўйин осон кечгани йўқ.

Про-лигага тайёрмиз. Бизда тажрибали футболчилар бор. Келгуси мавсумда унда муносиб иштирок этишни режалаштирмоқдамиз.