Асрор Алиқулов: "Кубок ўйинларида имкон қадар узоқроққа боришни мақсад қилганмиз"
30 apr 10:47
News

Асрор Алиқулов: "Кубок ўйинларида имкон қадар узоқроққа боришни мақсад қилганмиз"

Ўзбекистон кубогининг 3-туридан ўрин олган "Машъал" - "Арал-академия" (8:0) учрашувидан сўнг мезбонлар бош мураббийи Асрор Алиқулов матбуот анжуманида иштирок этди.

Ўйин ҳақида

- Албатта "Арал-академия" жамоаси таркиби ёш футболчилардан иборат. Биз бу ўйин орқали чемпионатда "Хоразм" билан учрашувга тайёргарликни мақсад қилгандик. Ёш жамоаларга қарши ўйинда қарши ҳужумга тушиб қолмаслик хавфи бўлади. "Машъал"ни навбатдаги босқичга чиққанлиги билан барчани табриклайман.

- Кейинги босқичдаги қайси жамоа билан тўқнаш келишни истаган бўлардингиз? Шунингдек, жамоанинг кубок ўйинларида олдидаги мақсадлари қандай?

- Қуръа ўз номи билан қуръа. Биз ҳозир фалон жамоа номини айтсак, ўша жамоа тушиб қолмайди. Кубок учрашувларида имкон қадар узоқроққа боришни мақсад қилганмиз. Қайси жамоа тушса, ўрганиб чиқиб, ғалаба қозониш учун ҳаракат қиламиз.

- "Насаф" Ўзбекистон кубогини тарк этди. Сизнингча, бу йилги мавсумда қайси жамоа кубок соҳиби бўлади?

- "Насаф" кетма-кет 3 йилдан буён Ўзбекистон кубоги бош совринини қўлга киритиб келаётганди. Кубок ўйинларида кутилмаган ҳолат ҳам бўлиб қолиши мумкин. Таркиби кучли Суперлига клублари имкониятларини юқори баҳолайман.

Link :

Source : championat.asia

Receive latest football news directly on your phone. Subscribe for our Telegram channel!

Rating: +1