Андрей Мишченко: "Ҳамма нарсанинг иложи бор..."

Дейлик, ўтган мавсумда тўп тепган ва иккинчи даврада жамоа шарафини ҳимоя қилган футболчилар айни пайтда фарғоналиклар билан машғулотларни давом эттиряпти. Украиналик ҳимоячи Андрей Мишченко ҳам шулардан бири ҳисобланади. Бугунги машғулотлардан сўнг футболчининг тайёргарлик жараёнлари билан боғлиқ фикрлари билан қизиқдик. 

"12 декабрь санасидан йиғилдик. Машғулотларда астойдил ишлаяпмиз. Ҳозирда вазифамиз янги мавсумга яхши тайёргарлик кўриш. 2023 йилдан кўп нарса кутяпман. Чунки ўтган мавсумда исталган жамоадан очко олишимизни исботлай олдик. 

Суперлигага келсак, қанча кўп ўйин бўлса, шунча яхши. Бундан ҳамма хурсанд бўлади. 1-2 ҳафталаб ўйинларни кутиш кимга ҳам ёқади. Хоҳлаган футболчидан сўрашингиз мумкин. Агар витаминизация, тўғри жисмоний тикланиш бўлса, ортиқча муаммо юзага келмайди, деб ўйлайман. Иштирокчилар сони 16 ёки 14та қолганда ҳам 3та даврали тизмни қўллаш мумкин. Ҳамма нарсанинг иложи бор",- дейди Мишченко.