Александр Хомяков: "Бугун ҳаракатнинг ўзи камлик қилди"
19 nov 19:28
News
Александр Хомяков: "Бугун ҳаракатнинг ўзи камлик қилди"
- Ўйин ҳақида фикрингиз?
- Бир неча бор қулай вазиятларга эга бўлишимизга қарамай, ғалаба қозона олмадик. Ўйин тақдирини биринчи бўлимдаёқ ҳал қилишимиз мумкин эди. Ҳозир бирданига ўйинни таҳлил қилиш қийин. Ғалаба қозонишимиз шарт эди. Бир жойда турдик деб айта олмайман, охиригача ҳаракат қилдик, аммо ҳаракатнинг ўзи камлик қилди. Шу боис ҳам дуранг натижага эришдик.
- "Шўртан" курашдан чиққан. Бу фактор бугун "Бухоро" фойдасига ишлаши керак эмасмиди?
- Биз "Шўртан" жиддий қаршилик кўрсатишини билардик, чунки ҳар қандай жамоа майдонга тушганидан кейин охиригача ўйнашга ҳаракат қилади. Ҳар ҳолда бу Суперлига. Яна қайтариб айтаман, вазиятлар кўп бўлди, лекин биттадан ортиқ тўп кирита олмадик. Турнир жадвалидаги ҳолатимиздан келиб чиқиб бугун ютишимиз шарт эди. Вазиятлардан фойдаланишга келганда оқсадик, ҳатто қўшимча дақиқаларда ҳам қулай кимкониятга эга бўлдик.
- "Шўртан" қайси томонлама ноқулайлик туғдирди?
- Статистикага қарайдиган бўлсак, "Шўртан" уй ўйинларида кўп жиҳатдан рақибга нисбатан устунлик қилади. Бу ҳолат ҳар қандай рақибга қарши баҳсда бўлиши мумкин. Лекин бу жамоанинг ҳам ожиз томонлари бор ва биринчи таймда шундан фойдаланишимиз керак эди. Ҳужумда янада агрессив бўлишимиз шарт эди. "Шўртан" эса футбол ўйнайдиган жамоа.
- Азизбек Амонов жамоадан кетиши мумкин деб эшитдик.
- Келинг, аввал вазифани бажарайлик. Суперлигада қолишни уддалайлик, ундан кейин раҳбарият билан футболчилар борасида гаплашамиз. Азизбек Амонов универсал футболчи, исталган чизиқда ўйнай олади, жамоага кўп фойдаси тегади. Унинг статистикаси ҳам ажойиб. Лекин Азиз терма жамоада ўйнаши учун ўз устида кўп ишлаши керак.

Similar news
championat.asia
Роналду ММА-промоушен акциядорига айланди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
Манба: Самвел Бабаян - "Андижон" бош мураббийи!
Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади
Comments