Абдуқодир Ҳусанов – Осиёнинг энг қиммат футболчиларидан бири!
19 jun 11:53
News

Абдуқодир Ҳусанов – Осиёнинг энг қиммат футболчиларидан бири!

Ўзбекистон миллий терма жамоасининг марказий ҳимоячиси 35 миллион еврога баҳоланган.

"Манчестер Сити" ва Ўзбекистон терма жамоаси марказий ҳимоячиси Абдуқодир Ҳусанов Осиёнинг энг қиммат футболчилари рейтингида учинчи ўринни эгаллади. Transfermarkt маълумотларига кўра, 21 ёшли футболчининг трансфер қиймати 35 миллион еврони ташкил этади ва у айни дамда Осиёнинг энг қиммат 3-футболчиси саналади.

Ундан олдинда япониялик вингер Каору Митома (40 млн евро, "Брайтон"), кореялик ҳимоячи Ким Мин Жэни (40 млн евро, Бавария) кўриш мумкин.

Ли Кан Ин, Сон Хён Мин ва Зион Сузуки каби юлдузлар янгиланган рейтингда Ҳусановдан пастроқда жойлашган.