Бугун Чемпионлар лигаси ва Европа лигаси 1/4 финалига қуръа ташланади
18 мар 2016 08:45
Янгиликлар

Бугун Чемпионлар лигаси ва Европа лигаси 1/4 финалига қуръа ташланади

Жума куни Швейцарияининг Ньюн шаҳрида Европанинг иккита мусобақаси чорак финалига қуръа ташланади.

Дастлаб Чемпионлар лигаси, сўнгра Европа лигасига қуръа ташланади. Чорак финалда ҳеч қандай саватча бўлмайди, яъни исталган клуб исталган рақиб билан тўқнаш келиб қолиши мумкин.

ЕЧЛ чорак финалига қуйидаги клублар етиб келишди: "Атлетико", "Барселона", "Реал", ПСЖ, "Бавария", "Вольфсбург", "Бенфика" ва "Манчестер Сити".

Европа лигасида кучли саккизликка қуйидаги клублар киришди: "Боруссия" Дортмунд (Германия), "Ливерпуль" (Англия), "Спарта" (Чехия), "Вильярреал" (Испания), "Атлетик" Бильбао (Испания), "Севилья" (Испания), "Шахтер" (Украина), "Брага" (Португалия).

Чемпионлар лигаси чорак финалига қуръа ташлаш маросими Тошкент вақти билан соат 16:00да, Европа лигаси - 17:00да бошланади.

Ҳавола :

Манба : championat.asia

Янгиликларни Телеграмда ўқинг!

Рейтинг: +7