Осиё чемпионати қачон бошланади?

Ўсмирлар ўртасидаги Осиё чемпионати Тошкентда 24 октябрь куни бошланади. Осиё кубоги - 2011 эса 7 январь куни бошланади. Тўлиқ жадвал билан сайтимизнинг мусобақалар бўлимида танишиб олишингиз мумкин.

Саволим куйидагича: Сайтингиз хақидаги конференцияда айтилиши бўйича, сизлар олий лига баҳслари ҳакидаги учрашувларни клубларнинг сайтидан олмасдан, мустақил, холис ёзар экансизлар. Аммо сайтда фаолият юритувчи журналистларни санаганингизда 99 фоиз клуб матбуот котиблари экан? Бироз тушунмадим, ўша холис шархларни ким ёзади?

Жавоб: Саволингиз жуда ҳам ўринли. Масалан "Олмалиқ" - "Нефтчи" жамоасини ўз майдонида қабул қилди. Шундай бўлсада шархни  Бахтиёр Ширинов ёзмайди. Сиз айтган масала бўйича биз ҳам ўйлаганмиз. Буни исботи тариқасида сўнгги тур шархларини кўришингиз мумкин. Сайтда номи кўрсатилмаган журналистларимиз кўп. Тез кунларда улар билан ҳам танишиб олишингиз мумкин бўлади.

САВОЛ: Asalomu alaykum aziz toshkentliklar! Shuni chunmaymaymanda Bunyodkorning eng zo`r legionerlari nega ketdi? O`rniga yangilari keladimi, yo`qmi? Shu boisdan bo'lsa kerak "Bunyodkor" avvalgi o'yinlarda kabi chiroyli g'alaba qozona  olmayapti. Savolimga javob beringlar iltimos!

ЖАВОБ: "Бунёдкор" жамоаси 2011 йилда Осиё чемпионлар лигасида юртимиз шаънини ҳимоя қилади. "Пахтакор" билан бўлиб ўтган чурашувда жамоа бош мураббийи Миржалол Қосимов келаси йили таркибни кучайтира оладиган утболчиларни жалб этишни режалаштирганини айтиб ўтган. Шундай экан азиз мухлис, "Бунёдкор" ва юртимизнинг бошқа жамоаларининг Осиё майдонларидаги зафарли юришлари ҳали олдинда.

Савол: Янги мавсумда олий лигада нечта жамоа қатнашади?

Жавоб: ПФЛ раҳбари Фарход Магометов тез кунларда ушбу савол ўз ечимини топишини айтиб ўтган. ПФЛ матбуот ҳизмати билан боғланганимизда тез кунларда саволингизга жавоб олишингизни айтиб ўтишди.

САВОЛ: Осиё ўйинларида жамоамиз жуда ҳам кучсиз ўйин намойиш қилишди. БАА футболчилари жамоамизни менсишмади, керак бўлса уларнинг устидан кулгандай қилиб ўйнашди. Ҳайронман яна нима сабаб бўлди экан. Об ҳавоми ёки ...?

Хурматли, Олимжон! Саволингизга аниқ жавобни терма жамоамиз Осиё ўйинларидан қайтиб келишгач Аҳмад Убайдуллаев билан боғланиб, аниқ сабабини олишга ҳаракат қиламиз.

Савол: Салом! Мен Ўзбекистон терма жамоаларинг тактикасини билмоқчиман.

Жавоб: Вадим Абрамов жамоаси сўнгги ўйинларда 3 та ҳужумчини майдонга туширди. Ҳимоячилар сони 3та. Аҳмад Убайдуллаев эса асосан ҳимоячиларга катта урғу беради. Шу боисдан майдондаги ҳужумчи кўпинча битта кўриниш олади.

Савол: Олий лигада нечта жамоа иштирок этиши қачон маълум бўлади? ПФЛ бу борада ишлаяптми?

Жавоб: Олган маълумотларимизга кўра шу ойнинг сўнггида Олий лига 2011да нечта жамоа иштирок этишига ойдинлик киритилади.

УЕФА лигаси ҳақида ҳам батафсил маълумотлар бериб боришингизни истардик.

Жавоб: Хурматли Шербек! 2011 йилдан эътиборан Европа футболига ҳам жиддий ёндошамиз. Ўзбекистон Осиё минтақасида жойлашгани учун, хозирча Осиёда юз бераётган янгилик ва натижаларга кўпроқ ахамият бермоқчимиз. Насиб қилса тез кунларда нафақат Осиё балки, бутун қитъа янгиликлари сайтимиздан жой олади.

Савол: Дарко Маркович ҳақида маълумот берсангиз. "Пахтакор" билан шартномаси бор эди-ку, бу масала қандай ҳал қилинди?

Жавоб: Жамоа матбуот ҳизматини хабар қилишича Дарко Маркович билан шартнома шу йилда якунига етади. У мавсумни асосий қисмини ўтказиб юборишига сабаб оилавий муаммолари туфайли ватанига учиб кетганлиги бўлган.

Савол: Азизлар "Насаф" ҳақидаги фикрларингиз билан ўртоқлашсангиз.

Жавоб: "Насаф" шубхасиз Қашқадарёнинг фахри ҳисобланадию Жамоага яратиб берилган шароитларга пойтахтнинг икки жамоаси ҳам хавас қилса арзийди. Жамоа базаси бугунги кунда Ўзбекистондаги энг зўри ҳисобланиши ҳам бежиз эмас. Вилоят ҳокимининг футболга қаратаётган жидди эътибори натижаси ўлароқ жамоа сўнгги икки йилда Ўзбенкистон чемпионатининг бронза медалларини қўлга киритди. Янги мавсумда жамоа олдига чемпионлик вазифаси қўйиляпти. Хозирда селекция ишларига жиддий ёндошаётган Демьяненко келгуси мавсумда "Пахтакор" ва "Бунёдкор" каби грандларни ортда қолдирса ажабланмасак ҳам бўдлади.

Савол: Одил Аҳмедовни Қаршининг "НАСАФ" жамоасига ўтиши мумкунлиги ҳақида гаплар юрибди. Шу гаплар қанчалик ҳақиқатга яқин?

Жавоб: Ушбу савол юзасидан Одил Аҳмедов билан боғланганимизда, футболчи айни пайтда “Пахтакор” жамоасининг тўлақонли аъзоси эканлиги, агар ҳориж мамлакатларидан жиддий таклиф бўлмаса, Ўзбекистонда, “Пахтакор”да фаолият олиб боришини такидлаб ўтди.

Савол: Бу дейман янги мавсумда ҳам "Нефтчи" легионерларсиз ҳаракат қилади шекили. Шу саволга ойдинлик киритиб беринг.

Жавоб: "Нефтчи" доимо ўз тарбияланувчиларига катта эътибор бериб келган. Аммо бугунги футболда ҳар бир жамоада 1-2та тажрибали легионер футболчиларнинг бўлиши одат тусига кириб бўлган. Аммо Юрий Вазгеновичнинг қарашлари бошқача. Жамоа янги мавсумда легинонер футболчиларни чақирмасада, Ўзбекистон чемпионатида тўп тепган тажрибали ўйинчиларини ўз сафига қўшиб олишни мақсад қилган.

Савол: Ассалому алайкум! Битта саволим бор. Қачон 1лига составлари ва ҳамма ўйинлари сайтингиздан ўрин олади?

Жавоб:  Сайтни босқичма-босқич  ахборотлар билан тўлдириб боряпмиз. Аввал олий лига ўйинларини тўлдириб бўлайлик, сўнг навбат биринчи лига жамоаларига келади.
 

Савол: "Нефтчи" ҳужумчиси Алишер Холиқов ҳозир қаерда. Илтимос аниқлаб беринг.

Жавоб: Хурматли, Шохрух! Жамоадан олинган сўнгги хабарларга кўра Алишер Холиқов "Насаф" билан шартнома тузишга яқин. Аммо у айни патйд "Нефтчи" машғулотларида қатнашмоқда. Олинган маълумотларга кўра футбочлининг жамоа билан тузган шартномаси шу йилнинг охирида якунига етади.

Савол: Жасур Ҳасанов Қатар клубига ижара асосида кетганми, ёки жамоа уни трансфер ҳуқуқини сотиб олганми?

Жавоб: Жасур Ҳасанов "Лавхия" жамоаси билан Қатар чемпионати 2010/11 мавсуми якунига қадар ижара асосида шартнома имзолаган.

Савол: Осиё Кубогида қатнашадиган Ўзбекистон терма жамоасининг 23 футболчисини рўйхатини берсангиз.  Вадим Абрамовни тактикалари ҳакида маълумот борми?

Жавоб: Осиё Кубоги - 2011 таркиблари 28 декабрь куни маълум бўлади. Вадим Абрамов эса асосан ҳужумкор ўйин кўрсатишни мақсад қилган ҳолда 4-3-3 ва 4-4-2 тактикаларидан фойдаланяпти.

Савол: Айтингчи, Осиё кубоги-2011да Ўзбекистон терма жамоасини қўллаб-қувватлаш учун ишқибозларни оммавий олиб бориш режалаштирилганми, агар режалаштирилган бўлса қачон, қаерда, ким орқали? Агар режалаштирилмаган бўлса - нима сабабдан?

Жавоб: Ўзбекистон футбол Федерацияси қошидаги фанатлар гуруҳи томонидан Қатардаги мусобақага 150тача ишқибоз боради. Айни пайтда ҳужжатлар қабул қилиш тўхталиган.

Савол: Салом "Бунёдкор" жамоасининг янги стадиони қачон ишга туширилади?

Жавоб: Яқиндагина ЎФФда бўлиб ўтган анжуманда Мираброр Усмонов 2011 йилнинг февраль ойида Ўзбекистондаги стадионларни қатй таъмирлаш борасида янги фармон чиқиши айтиб ўтганди. Ушбу стадионлар қаторида МҲСК майдони ҳам ўрин олишини ЎФФ президенти такидлаб ўтган.

Савол: Осиё кубоги - 2011 да МТЖ олдига аниқ вазифа қўйилганми?

Жавоб: Ўзбекистон миллий терма жамоасининг Осиё Кубогидаги минимум вазифаси 1/4 финалга йўл олиш, максимум вазифа финалга чиқиш. Бу ҳақда жамоа бош мураббийи матбуот анжуманлари давомида бир неча бор айтиб ўтган.

Савол: Улуғбек Бақоев менинг назаримда Гейнрихга қараганда тезкорроқ. Абрамов тактикасидан келиб чиқсак, тезлик бирламчи. Нега Бақоев четлаштирилди?

Жавоб: Бқаоев, Навкаров ва Гейнрих. Бу уч футболчининг бири якуний таркибга кирмаслиги лозим эди. Уч футболчи ҳам икки ой давом этган йиғинда бир нечта асосий таркибда майдонга тушдилар. Генрих ўртоқлик учрашувлари давомида энг кўп гол урган футболчи бўлди. Навкаров эса рақиб ўйинчиларини чалғитиш борасида фаол ҳаракат қилиб, терма жамоамиз томонидан киритилган голларда фаол иштирок этди. Айнан шу омилларга кўра Гейнрих ва Накаров якуний таркибдан ўрин олдилар.

Савол: Карпенко Қатарга кечган бахсда жуда бўш ҳаракат қилди. Унинг ўрнига кимни кўришимиз мумкин?

Жавоб:  Қатар билан бўлиб ўтган учрашувда барча футболчиларимиз ғалабага муносиб улуш қўшдилар. Балки, Карпенко ҳимоя чизиғида тўп тепканлиги учун ўйини бироз чиқмаган бўлиши мумкин. Лекин биринчи учрашув мезбонларга қарши ўтканлигини ҳам унутмаслик лозим.

Савол: Осиё кубоги 2011 да ОФК томонидан МТЖларга мукофот пуллари ва бонуслар миқдори белгиланганми? Мусобақада иштироки, Плей-оффга чикққанлиги, ярим финал ва финалда ўйнаганлиги, ғолиб чиққанлиги учун?

Жавоб:  ОФК томонидан терма жамоаларга ҳеч қандай мукофот берилайди.

Савол: Йилнинг энг яхши футболчиси ва мураббийи номини эълон қилишди. Аммо сайтда бу ҳақда ахборот йўқ.

Жавоб: "ЧемпионатУЗ" имкон қадар профессионал тарзда фаолият юритишни мақсад қилганлиги боис, барча мавзуларни тегишли бўлимларга жойлаган. Сиз энг яхшиларни янгиликлар қаторидан эмас, рейтинглар бўлимидан топишингиз мумкин.

Таклиф: ФИФА нинг қонунларини сайтга жойлаштиришнинг иложи борми?

Жавоб: Сайт режа асосида ўз бўлимларини тўлдириб боради. Сиз айтган ФИФА қонунлари ҳам босқичма босқич сайтимиздан жой олади.

Савол: Салом! Мен ҳозирда Россиядаман. Интернет орқали ўйинларни кўриш имконияти борми?

Жавоб: livetv.ru веб сайти орқали Осиё Кубогининг истаган учрашувингизни томоша қилишингиз мумкин.

Савол: Ассалому Алайкум! Нима учун Азиз Ҳайдаровнинг On-line конференция бўлимидаги жавоблари чиқмади?

Жавоб: Бунинг учун мухлислардан узр сўраймиз. Азиз Ҳайдаровга юборилган саволларга жавоб олиш учун эратага футболчиларимиз истиқомат қиладиган меҳмонхонага борамиз. Доха матбуот марказидаги ишларимиз бироз кзпайиб кетганлиги учун белгилаган вазифамизни ўз вақтида бажара олмадик.

Савол: Нега кўпгина мақолаларда фикр билдиришга имконият бермаяпсизлар? Асосан савол бериш имконияти мавжуд. Ёки холис фикр ёфмаяптими?!

Жавоб: Сайтимизнинг исталган қисмида фикр билдирсангиз бўлади Ҳаттоки фотогалереяда ҳам. Агар сиз фикр билдра олмаган бўлсангиз қандайдир техник муаммога дуч келган бўлишингиз мумкин. Бунинг учун узр сўраймиз. Фикр билдириш учун аввал сайт рўйҳатидан ўтишингиз лозим.

Агарда ФИФА Сурия га карши карор чикарса, яъни уйини бекор килиб юборса нима булади?

Жаовб: Ундай ҳолда Сурия терма жамоаси ўрнига Тожикитон терма жамоаси мусобақада қатнашади. Сурия терма жамоасининг саралаш учрашувларига аввалги режалари асосида тайёргарлик кўраётганликларини инобатга олсак, ФИФА Сурия терма жамоаси фойдасига қарор чиқаришини башорат қилишимиз мумкин.

Савол: Cайтингизда қачон матнли трансляцияларни олиб бориш йўлга қўйилади? Ҳозирги пайтдаги энг катта камчилигингиз мана шу.

Жавоб: Сайтимизга беэътибор бўлмаганингиз учун ташаккур. Ҳақиқатдан ҳам бу бизнинг энг катта камчиликларимиздан бири. Айни пайтда Тошкентда бўлиб ўтаётган учрашувларни матнли кўринишда эътиборларингизга хавола этишимиз мумкин. Лекин олий лига ўйинлари "Пахтакор" ва "Бунёдкор" жамоаларида иборат эмаслигини унутмаслигимиз лозим. Агар бир мавсум давомида бу жамоаларнинг 12тада ўйинини сизларга тақдим этсакда, олий лиганинг қолган жамоаларини 1 маротабадан юқоридаги жамоаларга қарши ўйинида ёритсак, бошқа жамоа мухлислари учун адолатсизлик бўлади.

Сайтимиз секин асталик билан ўз ўрнига эга бўлиб келяпти. Бетарафлигимиз боис бўлса керак кўплаб вилоятлардан ёш мухбирлар шогирд тушушяпти. Қачонки, ҳар бир вилоятдан матнли транслация қилиш имкониятига эга бўламиз, шунда барча ўйинларни тезкорлик билан ёритамиз. Унга қадар Ўзбекистон терма жамоаси иштирокидаги баҳсларни матн кўринишда сизларга тақдим этишни бошлаймиз.

Савол: Муқим Тошматов хозир қаерда?

Жавоб: Муқимжон Тошматов айни пайтда "Андижон" шарафини ҳимоя қиляпти.

Эътироз: Савол шаклидаги эътирозимни яна қайтараман : - Нега ханузгача фикр билдиришга йўл бермаяпсизлар?

Жавоб: Сайтда фикр билдиришигиз мумкин. Бунинг учун рўйҳатдан ўтиб истаган мақолангиз тагига ўз фикрларингизни қолдиришингиз мумкин.

Савол: МТЖ миз яқин орада қайси давлатларга бориши режада бор...

Жавоб: Ўзбекистон миллий терма жамоаси май ойида ўрин олган ФИФА кунларидан фойдаланишга мақсад қилган. Доимгидек бизда рақиб аниқ бўлганидан сўнг ахборот берилади. Унга қадар хориж сайтларини кузатиб боришга мажбурмиз. Аниқ бўлиб улгурган расмий ўйин 23 ва 28 июль кунлари Қирғизистон терма жамоасига қарши кечади.

Эътироз: Сайтга киришда логин ва паролни ёдда сақлаб қолиш имкони борми?

Жавоб: Ҳақиқатдан ҳам бу камчилигимиз мавжуд эди. Сайт ташрифчиларининг сонини ошганлигини инобатга олган ҳолда куни кеча бу муаммони ҳал қилдик.

Савол: "Пахтакор"даги Ғулом Ўрунов қаерда?

Жавоб: Ғулом оёғидан жиддий жароҳат олганлиги боис, бугунги кунда Москвага кетишга тайёргарлик кўряпти. Олган маълумотларимизга кўра футболчи у ерда тиббий кўрикдан ўтади.

Савол: Озарбайжон чемпионатидаги хужумчимиз Баҳодир Насимов миллий термамизнинг Украина ва Хитой термалари билан бўладиган ўртоқлик учрашувига чақирилганми? Осиё Кубоги-2011 арафасида жароҳат олиб мусобақани ўтказиб юборган эди. Умуман унинг хозирги спорт формаси миллий жамоамиз мураббийларини қониктирадими?

Жавоб: Баҳодир Насимов Ўзбекистон терма жамоаси бош мураббийи Вадим Абрамов томонидан Украина ва Хитой терма жамоалариаг қарши кечадигнан ўртоқлик учрашуви таркибига киритилганди. Аммо ҳужумчининг ўзи жароҳати борлиги туфайли терма жамоа ихтиёрига кела олмаслигини айтган.

Савол: ОФК Кубоги 1/4 финал учрашувларига қачон қуръа ташланади?

Жавоб: 7 июнь куни "Насаф" жамоаси ОФК Кубогидаги рақиби номиги билиб олиши мумкин.

Савол: Мексикада бўлиб ўтаётган ЖЧда Ватанимиз Ўзбекистон терма жамоаси ҳужумчиси Аббосбек Маҳситалиев, АҚШ билан бўлиб ўтадиган учрашувда майдомга тушадими?

Жавоб: Бугун Аббосбек Махситалиев ва Сардор Рахмонов ҳам АҚШ билан бўлиб ўтадиган учрашувда майдонга тушадилар.

Савол: Ўзбекистон ўсмирларининг Чехия билан ўйини соат нечада кўрсатилади? Аниқ вақтини айтсанглар.

Жавоб: Ўзбекистон - Чехия ўйини Тошкент вақти билан соат 04:00да бошланади. Учрашув "Спорт ТВ" орқали тўғридан-тўғри олиб кўрсатилади.

Савол: Ҳозирда қайси шаҳарлардаги стадионларда қурилиш ишлари кетяпти?

Жавоб: Тошкентда собиқ МҲСК ва ТТЗ стадионларида стадионлар қайтатдан қуриляпти. Шунингдек ЎФФ қошида мини фктбол учун 3та сунъий майдон ва битта қумли майдон қуриляпти.

Бекободда ҳам янги стадион битай деб қолди. "Олмалиқ" учун Олмалиқда янги стадион қурилиш ишлари бошлаб юборилган. "Навбаҳор" стадиони тўлиқ реконструкциядан чиқяпти. Ҳудди шундай бунёдкорлик иши "Динамо"нинг эски стадионида ҳам давом этяпти. "Андижон"да эса янги стадион қуриялпти.

Савол: "Чемпионат.уз" манзили ҳақида маълумот берсангиз.

Жавоб: info@championat.uz ва admin@championat.uz манзиллари орқали биз билан боғланишингиз мумкин.

Савол: "Бунёдкор" футболчиси Жасур Ҳасанов ҳозир қаерда?

Жавоб: Жасур Ҳасанов ҳуқуқийжиҳатдан "Бунёдкор" жамоасига тегишли. У айни пайтда тошкентликлар билан машғулотларда қатнашяпти. Унинг яқин келажагдаги тақдири яқин кунларда маълум бўлади.

Савол: Нима учун Виталий Денисов терма жамоа ўйинларига жалб этилмай қолди, бунга сабаб нима? Ёки ҳимоячи "Днепр"да ўзини кўрсата олмаяптими?

Жавоб: Виталий Денисов нафақат жамоасининг, балки Украина олий лигасидаги энг кучли ҳимоячилардан бири ҳисобланади. Виталийни терма жамоага чақирилмаётганлигига асосий сабаб уни жароҳат олиб икки бора жарроҳлик столига ётканлиги бўлди. Умид қиламизки ҳимоячи Қирғизистон терма жамоасига қарши кечадиган ўйинда Ўзбекистон терма жамоаси шарафини ҳимоя қилади.

Савол: Нима учун олдинги хабарларда 2та "Ласетти" ва 13та "Спарк" автомашина совға қилинганлигини айтиб ўтилган эди. Аммо бугунги фотохабарларда "Эпика"ни ҳам кўрдим. Ушбуни ҳолатни тушинтириб берсангиз, рахмат!

Жавоб: бу ҳақда сайтимиз орқали хабар берган эдик. Терма жамоамиз бош мураббийи Алексей Евстафеевга, айнан "Эпика" автомашинаси совға қилинди.

Савол: Нимага ҳамма Темур Жўраевни ёмонлашади? Ўша Австралия билан бўлиб ўтган ўйин учунми? Лекин мен Жўраевни тўпга чиқишда Нестеровдан ақллироқ ҳаракат қилад деб ўйлайман.

Жавоб: Ҳақиқатдан ҳам Жўраев яхши посбон. Акс ҳолда ўз олдига чемпионликни мақад қилаётган "Пахтакор" унга ишонч билдирмасди. Бизда бир ёмон одат бор. Бирон бир мутаҳассис томонидан айтилаг гапни қулоғимизга илиб оламиз. Тохир Кападзенинг "Футбол шарҳи"да айтган гапи, аччиқ устида бўлган, ваҳолангки ўша ўйинда Темур ҳатога йўл қўймаган. Австралия билан бўлиб ўтган ўйин тактик ҳато эди. Тўғри Темур жамоани голлардан қутқара олмаган, лекин ҳато ҳам қилмаган. Ундан ташқари Осиё ўйинларидаги бир гина қўпол ҳатоси унга рухан таъсир ўтказди. 

Савол: "Насаф" ОФК Кубоги чорак финал учрашувини қачон ўтказади? 

Жавоб: ОФК Кубоги чорак финал учрашувларини билиш учун ТАҚВИМ ҳаволасига ўтишингиз мумкин.

Савол: Салом сайт ижодкорлари! Сайт жуда зўр! Гап йуқ! Бир сволим бор эди. Нега ПФЛ олий лига жамоаларига, матбуот хизматини яхшилашни айтмаяпти? Бу сиз ва бизлар учун ҳам яхши бўлар эди-ку!

Жавоб: Бу борада ҳар йили ПФЛ раҳбарлари клубларга тегишли кўрсатмаларни беради. Аммо ҳамма клублар ҳам қоидага бирдек риоя қилмаяптилар. Масалан, "Нефтчи", "Қизилқум", "Бухоро", "Сўғдиёна" ва "Металлург" жамоаларида матбуот хизмати номигагина бор холос. Табиийки, матбуот хизматларини яхши ишлаши бизга ҳам фойда. ПФЛнинг ҳатоси эса, клуб матбуот хизмати текширмаслигида.

Савол: "Пахтакор" стадионига кириш учун билетлар қаерда сотилади, касса қаерда жойлашган? Кассада ҳақиқатда билет бор йўқлигига бевосита амин бўлиш мумкинми? Ёки унга етиб бормасдан милиционерлар йўлни тўсиши мукинми. "Билет кассада йук" - дейишди Қирғизиситон билан ўринга киришга 30 дақиқа қолганда. Ваҳолангки стадионга ўйин давомида ҳам қанча кўп одам келмаган бўлмасин у тўлмаган эди.

Жавоб: Чипталар "Пахтакор" метроси, "Алишер Навоий" кинотеатри ва "Ўзбекистон" кўчаси ёнидаги кассаларда сотилади. Ўйинга чекланган миқдорда чипталар сотувга чиқарилганлиги боис, ҳақиқатдан ҳам чипталар қолмаган бўлиши мумкин.

Савол: Видеони қандай кўриш мумкин.

Жавоб: Агар экранингизда видео кўринга ва у ерда PLAY тугмачаси чиққан бўлса, сиз ана шу PLAY тугмачасибосган ҳолда видеони томоша қилишингиз мумкин. Агар юқоридаги ҳолат бўлмаса, сиз FLASH дастурини ўрнатишингиз керак. Шунда сиз ҳам видеони томоша қилиш имкониятига эга бўласиз.

Савол: Нима учун Одил Аҳмедов ҳақида кўп ёзасизлар-у, Санжар Турсунов ҳақида маълумот йўқ.

Жавоб: Одил Аҳмедов билан кўпроқ мулоқотда бўламиз. Санжар билан эса ҳеч алоқа ўрната олмаяпмиз. Бир неча бор мурожат қилганман, лекин жавоб келмаган. Биз имкон қадар юарча легиоенрларимиз ҳақида ахборот беришини истаймиз. Қўлимиздан келганича ҳаракат қиляпмиз.

Савол: Трансфер бозори қачон ёпилади, жонга тегди?

Жавоб: Ўзбекистон олий лигасида 10 август куни ёпилган. Европада эса 31 август куни ёпилади.

Савол: 6 сентябрь кунги Ўзбекистон - Япония ўртасидаги учрашувга билетлар сотиш бошланганми? Бошланган бўлса баҳоси қанча?

Жавоб: Чипталар баҳоси секторига қараб 5 000 сўмдан 15 000 сўмгача. Чипталар ўйинга 3 кун қолганида сотувга чиқарилиши кўзда тутилган.

Савол: Ўзбекистон - Япония учрашувини телефонда кўрсак бўладими?

Жавоб: Агар телефонингиз FLASH дастурини қўллаб-қувватласа сиз сайтимиз ҳудудида эфирга узатиладиган ўйинни томоша қилишингиз мумкин бўлади.

Савол: "Насаф" ва "Пахтакор" билан иккита ўйин ўйнаган Жасур Ҳасанов яна қандайдир араб мамлакатларига кетиб қолибди. Шу ҳақда маълумот берсангиз.

Жавоб: Жасур Ҳасанов Қатарнинг "Қатар СК" жамоаси сафига бориб қўшилди.

Савол: "Гулистон"ниннг уй учрашувларидан матнли трансляция етказиб турсам бўладими?

Жавоб: Ҳа. Бунинг учун авва info@championat.uz манзилига ўзингиз ҳақингзда ахборот юборинг?

Савол: Нега сайтнинг WAP версияси йўқ?

Жавоб:  Сайтнинг WAP версияси, сайтимиз очилганида яратилган. Бунинг учун wap.championat.uz йўналиши орқали мобил телефонингиздан сайтимизга киришингиз мумкин.

Савол: Сайт админлари ҳакида маълумот берсангиз.

Жавоб: "Админ" деган сўз қаердан чиққан билмадик-ку, лекин "Чемпионат.уз" сайтида ўз ишига профессионал ёндошадиган мутаҳассис журналистлар фаолият олиб борадилар. "Админ" сўзининг маъноси сайтга у ер бу ердан ахборотларни олиб кўчириб босувчи ишчиларга нисбатан айтилади. "Чемпионат.уз" гуруҳининг асосий ахборотлари маҳаллий футболга аталган ҳисобланади.

1. Нодирхўжа Юлдашев (олий маълумотли ЎзМУ журналистика факультети битирувчиси)- лойиҳа раҳбари, фотосуратлар муаллифи, ўзбек янгиликлари бош муҳаррири.

2. Беҳзод Назаров (олий маълумотли ЎзМУ журналистика факультети битирувчиси) - Ўзбек ва Осиё футболига оид янгиликлар тўпловчи ҳамда рақибларни ўрганувчи мутаҳассис.

3. Нарзулла Сайдуллаев (олий маълумотли Тошкент Ахборот Технологиялари Университети битирувчиси) - Хориж янгиликлари бўлими бош муҳаррири, статистика маркази раҳбари.

4. Руслан - Видеоператор

5. Артур - Маркетинг бўлими раҳбари

6. Павел - Сайтда техник.

7. Умид Раимжонов ва Бахтиёр Турдибоев (вилоятдаги мухбирлар)

Савол: ЖЧ 2014 Саралаш баҳслари ОСИЁ Учинчи босқичидан гуруҳдан нечанчи ўринлар кейинги босқичга чикади? Яна гурухларга булинадими кандай булади 3-боскичдан кейин?

Жавоб: Бу босқичдан ўтган 10та жамоа икки гуруҳга бўлиниб ЖЧ йўлланмаси учун кураш олиб борадилар. Гуруҳда 1 ва 2 ўринни қўлга киритган жамоалар ЖЧга йўл олсалар иккита 3 ўрин эгалари ўзаро баҳс олиб борадилар ғолиб Жанубий Америка вакилига қарши баҳс олиб боради.

Савол: 1-9 октябрда бўладиган 16 ёшли ўсмирлар ўртасидаги саралаш ўйинлари ТТЙМИ стадионида бўлади деб хабар тарқатилмоқда. Бу Локомотивнинг янги қурилаётган стадионими? Ёки институтни ичидаги стадионми?

Жавоб: "Локомотив"нинг янги стадиони 2012 йил фойдаланишга топширилади. Бу жамоанинг ҳозир уй учрашувларини ўтказадиган стадиони.

Савол: Салом сайт ижодкорлари! «Чампионат.уз» ҳозирда Ўзбекистондаги энг яхши футбол сайти деб ҳисоблайман. Албатта бу менинг шахсий фикрим. Саволим шундан иборатки, сайтда янгилик қилиш пайти келмадимикан, яъни бирор-бир танловларми шунга ўхшаш нарсалар. Бу янада ишқибозларни қизиқишини ортишидан далолат беради деб ўйлайман.
 

Жавоб:  Тўғри айтасиз. Сайтда танловлар ўтказиб ўқувчиларда қизиқиш уйғотишимиз керак. Лекин ҳозирги кунда сайтда биронта релама йўқ. Бу ижодкорларимиз ва техник ходимларимизни ҳам бепулга ишлаётганликларидан далолат. Агарда сайтимиз орқали бирон бир фирма ўз маҳсулотини реклама қилиш орқали танловлар қилишни истаса биз бажонидил рози бўламиз. лекин ўзимизда ҳам яхши ғоялар йўқю Эмас, сайтимиз 2012 йилдан эътиборан бугунгисидан жуда катта фарқ билан устун тарзда ишлайди.

Савол: Салом ажойиб сайт ходимлари! Менинг саволим Темур Хакимов ва Алексей Евстафеев ҳакида хеч қандай янгилик чиқмаяпти. Улар хозир қаерда, нима иш қилишяпти? Қатарга 0-2 ҳисобида ютқизган ёшларимизнинг орасида Ҳакимов кўринмади, шу қақда маълумот берсангизлар. Олдиндан раҳмат!

Жавоб: Евстафеев бугунги кунда Ўзбекистон ёшлар терма жамоаси бош мураббийи Аҳмаджон Мусаев билан ҳамкорликда фаолият олиб боряпти. Терма жамоада Ҳакимовдан кўра кўпроқ ва савиялироқ ўйинчилар бўлганлиги боис, ҳозирча у бу терма жамоага кирмаган. Ҳакимов айни пайтда "Пахтакор" ўринбосарлари сафида тўп тепяпти.

Савол: КХДР - Ўзбекистон учрашуви соат нечада бошланади. ОАВ томонидан Ўзбекистон вақти билан қачон трансляция қилиб берилади?

Жавоб: Ўйин Тошкент вақти билан соат 12:00да бошланади. ОАВ томонидан "Ал Жазира 1" канали тўғридан - тўғри намойиш қилади. Бизда ҳам бу борада ҳаракат бор, агар режа амалга ошса бизда ҳам ўйин намойиш қилинади.

Савол: "Видеони TAS-IX ҳудудига ўтказа олмаймиз". "TAS-IX" нима, тушунтириб беринг илтимос!

Жавоб: Агар сиз интернетга Ўзбекистондан кирсангиз ва уйингизда юқори сифатли интернет бўлса TAS-IX ҳудудида бўласиз ва бунга ҳақ тўламайсиз. Агар сиз чет элда истиқомат қилсангиз, сизга буни алоқаси бўлмайди.


 

Эътироз: Бу ерда бўладиган суҳбатлардан ҳамиша хабардорман! Лекин қисқаси сайтдаги жавобларда кўп хатоликларга йўл қўйиляпди. Биринчидан: Ҳожиакбардан савол: Жавобда-(у)чурашув, (ф)утболчиларни; Олим Исмоиловдан савол: Жавобда: жидди(й), бў(д)лади. Ҳаммасини илова қилмоқчи эмасман! Илтимос! мухлисларни саволини ва таклифларини чуқуууууур ўрганиб жавоб беринглар. Сизларни ишларингиз қанчалик қийинлигини ҳис қилиб турибман. Фақат тўғри тушунинглар. Бундан ташқари клуб раҳбарлари ва ҳакамларимизга (Равшан Эрматовдан ташқари) ҳам эътирозлар бор. Қаерга мурожаат қилиш мумкин.

Жавоб: Эътирозингиз 100% ўринли. Бу ерда хатолра кўп тўғри. Чунки тезкор саволлар бўлгалиги учун авобларни ҳам тезкор беришга ҳаракат қиламиз натижада сиз айтган камчиликларимиз кўзга ташланиб қоляпти.  Ҳакамлар борасида ЎФФга, раҳбарлар масаласида эса ПФЛга мурожат қилишингиз мумкин.

Савол: 6 сентябр кунги "Пахтакор" даги ахволни бетартибликдан бошқа нарса деб бахолаб бўлмайди. Ўзбекистон-Япония учрашувига чиқарилган чипталарда на жой кўрсатилган, на билет номери. Ушбу ўйинга нечта чипта чиқарилганлигини ва нечта сотилганлигини хеч ким билмайди. Мана шу холат бўйича бирон-бир текширув ўтказилдими? Бунинг сабаблари аниқландими? Ёки гўёки хеч нарса бўлмагандек яна шу "анъана" давом эттирмикан?

Жавоб: Чипталарни қўлга чиқиб кетиши натижасида стадион атрофида бўлган тартибсизликлар ҳақида ЎФФга хабар қилдик. Шу билан бирга бундан мухлислар жабр кўрганликларини айтдик. Улар кейинги сафар бу ишлар такрорланмаслиги учун ҳавфсизлик чораларини кўришларини айтишди.

Савол: Маълумки, Эрон олимпия терма жамоаси муаммолар туфайли кейинги босқичдан қуруқ қолган эди. Энди шу каби муаммолар Ироқ о.т.ж. билан ҳам рўй берди. Шу воқеалар хақида тўлиқ маълумот берсангиз.

Жавоб:  Ҳақиқатдан ҳам Ироқ О.Т.Жсини қоида бузганлиги ҳақида маълумот мавжуд ва бу ОФК томонидан ҳам исботланган. Аммо ҳозирча терма жамоа биринчи тур ўйинини ўтказди. Четлатиш борасида гап сўз йўқ.

Cавол: Мен ҳам аъзо бўлмоқчиман фан клубга қандай хабарлашсам бўлади? 

Жавоб:  1 декабрь куни фан клубнинг регламенти ишлаб чиқилади, шунда барча саволларингизга жавоб олишингиз мумкин.

Савол: Менга Нарзуллани телефон номери керак.

Жавоб: Айнан нима масалада боғланмоқчисиз. Бунинг учун admin@championat.uz манзилига режангиз ва телефон рақамингизни қолдиринг.

Савол: БАА давлатидан фотолар бўладими, "Чемпианат уз"дан журналист борадими?

Жавоб: Афсуски моддий имкониятимиз бунга йўл қўймайди. Хориж сайтларидан топа олсак, фотолар албатта бўлади.

Савол: Ассалому алайкум! Саволим журналистика академияси ҳақида. Илтимос шу ҳақда малумотлар берсангизлар. Академияга аъзо бўлиш учун нима қилиш керак, қандай ҳужжатлар таёрлаш керак ва ўз манзиллариз ҳақида ҳам маълумот берсангизлар. Мен ҳозирда Ангрен иститутида хорижий тиллар факултетида таҳсил оламан. Футбол йўналишида ишлашга жуда қизиқаман. Мен бу академияга аъзо булишим мумкинми? Илтимос шу ҳақда ёрдам беринглар олдиндан РАҲМАТ!

Жавоб:  Академия Тошкентда жойлашган. Агар келиб ўқишни истасангиз championatuz@mail.ru га хат ёзинг. Сизга жавоб йўлланади. Дастлабки талаблар футболга қизиқиш ва истак бўлиши лозим. 

Савол: Яқин кунларда сайт янгича куринишда бўлади деб ёзгандинглар. Қачон ўзгаради?
Жавоб: Янги кўриниш ишга тушиб бўлган, ҳозирча демо версияда. Ичидаги камчиликлар ўрганиляпти. Яқин кунларда уни эътиборингизга тақдим этамиз.
 

Савол: Сайт нечанчи йил, қайси ой ва қайси кунда ишга тушган?
Жавоб: Сайтимиз 2010 йилнинг октябрь ойидан иш бошлаган. Аммо расман қайддан ўтган кунимиз бўлган - 2010 йилнинг 3 декабрь куни сайтимизнинг очилган куни деб ҳисобланади.
 

Савол: Сизларга бир таклифим бор эди. Сизлар бир янги бўлим очиб унга Водий, Воҳа, Тошкент минтақаси ва ҳоказоларни янгиликларини алоҳида қилиб тагида ёритиб боришсангиз. Буни иложиси борми? Менимча бу ўзига хос қулайликни келтирар эди!!!
Жавоб: Агар шу минтақалар бўйича янгиликлар хаддан ташқари кўпайиб кетса, бир кун келиб шу бўлимларни очишимиз мумкин. Аммо ҳозирча бу ҳудудларда янгиликлар кўп эмас.
 

Савол: Фикр билдирганлар билан кандай алокада булиш мумкин? Яъни личкада ёки э-маили, данныйсини куриш мумкинми? Агар личкада хат ёзаман десам канака ёзаман?

Жавоб: Ҳозирча фақат фикр билдирадиган бўлим орқали. Яқин кунларда ўзаро фикр алмашувчи тизм ҳам ишга тушади.

Савол: Бу сайтга биз ҳам видеоларни жойласак бўладими?
Жавоб: championat.uz га видео жойлай олмайсизлар. Аммо ҳамкоримиз ҳисобланган mytube.uz сайтига ўз видеоларингизни жойласангиз биз уни сайтимизга жойлаймиз.

Савол: Испания кубоги финали қачон бўлиб ўтади Барселона - Атлетик Бильбао? 

Жавоб: Испания кубоги 2012 йилги финали 26 май куни тунда бўлиб ўтади. 

Савол: Агар Барселона Испания кубогини қўлга киритса Ла Лига чемпиони билан ҳам баҳс олиб борадими?

Жавоб: Испания кубоги соҳиби август ойида Испания чемпиони билан Испания Суперкубоги учун икки марта майдонга тушади. Уйда ва меҳмонда. 

Савол: Сайтдаги янги ишга туширилган "Championat.uz TV" TAS-IX ҳудудидами?

Жавоб: Албатта "Championat.uz TV" TAS-IX ҳудудида. Яқин кунларда ушбу каналга бошқа хорижий каналларни ва СПОРТ телеканалини улаш режада бор.